പദ്മാവത് പ്രദര്‍ശിപ്പിക്കുന്നതുമായി ബന്ധപ്പെട്ട് തീരുമാനം എടുക്കേണ്ടത് സുപ്രീം കോടതിയല്ലെന്നും കേന്ദ്ര സർക്കാരാണെന്നും സുപ്രീം കോടതി വിധി അംഗീകരിക്കില്ലെന്നും കര്‍ണിസേന നേതാവ് മഹിപാല്‍ സിംഗ് മക്രന പറഞ്ഞു. സഞ്ജയ് ലീല ബന്‍സാലി ചിത്രം പദ്മാവത് പ്രദര്‍ശിപ്പിക്കുന്ന സ്ഥലങ്ങളിൽ കര്‍ണിസേനയുടെ നേതൃത്വത്തിൽ അക്രമം അഴിച്ചുവിടുകയാണ്.

സുപ്രീം കോടതിയെ ഞങ്ങള്‍ സമീപിച്ചിട്ടില്ലെന്നും വേറെ ആരോ പോയി വാങ്ങിയ തീരുമാനം ഞങ്ങള്‍ക്ക് മേല്‍ അടിച്ചേല്‍പ്പിക്കുകയാണ്. കയ്യില്‍ പണവും സ്വാധീനവും ഉള്ളവര്‍ക്ക് അനുകൂലമായ വിധി ലഭിക്കും. പദ്മാവത് സിനിമ നിരോധിക്കണമെന്നാവശ്യപ്പെട്ട് ഞങ്ങള്‍ കേന്ദ്ര സര്‍ക്കാരിനെ സമീപിച്ചിട്ടുണ്ടെന്നും അവരാണ് അക്കാര്യത്തില്‍ തീരുമാനം എടുക്കേണ്ടതെന്നും അദ്ദേഹം വ്യക്തമാക്കി.