ഇന്ത്യയിലെ ഹൈക്കോടതികളിലെയും സു​പ്രീം കോ​ട​തിയിലെയും ജഡ്ജിമാരുടെ ശമ്പളം ശമ്പളത്തിൽ വൻ വർധന. സു​പ്രീം കോ​ട​തി ചീ​ഫ് ജ​സ്റ്റീ​സി​ന്റെ ശമ്പളം ഒരു ലക്ഷത്തില്‍ നിന്ന് 2.80 ല​ക്ഷം രൂ​പ​യാണ് കൂട്ടിയത്. മാത്രമല്ല സു​പ്രീം കോ​ട​തി​യി​ലെ മറ്റ് ജ​ഡ്ജി​മാ​രു​ടെ​യും ഹൈ​ക്കോ​ട​തി ചീ​ഫ് ജ​സ്റ്റിസു​മാ​രു​ടെ​യും പ്ര​തി​മാ​സ ശമ്പളം 2.50 ല​ക്ഷ​മാ​യി ഉ​യ​ർ​ത്തുകയും ചെയ്തു. ഇതിനുമുൻപ് ഇത് 90,000 രൂ​പ​യായിരുന്നു. 80,000 രൂപയായിരുന്ന ഹൈക്കോടതി ജഡ്ജിമാരുടെ ശമ്പളം 2.25 ലക്ഷമാക്കി.

ശ​മ്പ​ള​ത്തി​നു പു​റ​മേ ജ​ഡ്ജി​മാ​ർ​ക്ക് മ​റ്റ് ആ​നു​കൂ​ല്യ​ങ്ങ​ളും കിട്ടുമെന്ന് നിയമമന്ത്രാലയത്തിന്റെ ഉത്തരവില്‍ പറയുന്നുണ്ട്. നേരത്തെ പാര്‍ലമെന്റ് പാ​സാ​ക്കി​യ ബി​ല്ലി​ന് രാ​ഷ്ട്ര​പ​തി രാം​നാ​ഥ് കോ​വി​ന്ദ് അം​ഗീ​കാ​രം ന​ൽ​കുകയായിരുന്നു. ഏ​ഴാം ശ​മ്പ​ള ക​മ്മി​ഷ​ന്‍റെ ശു​പാ​ർ​ശ​യു​ടെ അ​ടി​സ്ഥാ​ന​ത്തി​ലാ​ണ് കേ​ന്ദ്ര​സ​ർ​ക്കാ​ർ ശമ്പള പരിഷ്കരണ ബി​ൽ അ​വ​ത​രി​പ്പി​ച്ച​തും രാ​ഷ്ട്ര​പ​തി അം​ഗീ​കാ​രം ന​ൽ​കി​യ​തും.