സൂരജ് പാല് അമു ബി.ജെ.പിയുടെ പ്രാഥമികാംഗത്വത്തില്നിന്നും രാജിവെച്ചു
ദീപികക്കും സഞ്ജയ് ലീല ബന്സാലിക്കുമെതിരെ പ്രകോപനപരമായ പ്രസ്താവനകള് നടത്തിയ സൂരജ് പാല് അമു ബി.ജെ.പിയുടെ പ്രാഥമികാംഗത്വത്തില്നിന്നും രാജിവെച്ചു. ബി.ജെ.പി നേതാവായ അമു രജപുത് കര്ണിസേനയുടെ ദേശീയ സെക്രട്ടറി കൂടിയാണ്.
പത്മാവത് വിവാദവുമായി ബന്ധപ്പെട്ട സംഘര്ഷങ്ങളെ തുടര്ന്ന് പോലീസ് കസ്റ്റഡിയിലെടുത്ത അമുവിന് ഇന്നലെ ജാമ്യം ലഭിച്ചിരുന്നു. ജില്ലാ മജിസ്ട്രേറ്റ് കോടതിയാണ് ജാമ്യം നല്കിയത്. കലാപം നടത്തിയതിനും പ്രകോപനപരമായ പ്രസംഗം നടത്തിയതിനും ജനുവരി 26 ന് പൊലീസ് അമുവിനെ കസ്റ്റഡിയിലെടുത്തിരുന്നു. ഇയാളെ കഴിഞ്ഞ തിങ്കളാഴ്ച റോത്തക്കിലെ ആശുപത്രിയില് പ്രവേശിപ്പിച്ചിരുന്നു. ഇന്നലെ ആശുപത്രിയില് നിന്നും ഡിസ്ചാര്ജ് ചെയ്തു. ഇതിന് പിന്നാലെയാണ് രാജിവെച്ചതായി പ്രഖ്യാപിച്ചത്.
പത്മാവതിലെ നായിക ദീപിക പദുക്കോണിന്റെ തലയെടുക്കുന്നവര്ക്ക് 10 കോടി രൂപയാണ് ഇയാള് വാഗ്ദാനം ചെയ്തത്.
https://www.facebook.com/Malayalivartha
