വഴക്കിനെത്തുടർന്ന് ഭർത്താവ് ഭാര്യയെ തലയറുത്തു കൊന്നു; പിന്നെ സംഭവിച്ചത്...
ഭാര്യയും ഭർത്താവും തമ്മിലുള്ള വഴക്ക് കലാശിച്ചത് കൊലപാതകത്തിൽ. വഴക്കിനെത്തുടർന്ന് ഭർത്താവ് ഭാര്യയെ തലയറുത്തു കൊന്നശേഷം മൃതദേഹം കട്ടിലിന്റെ ഉള്ളിലെ അറയില് തളളി. ജാര്ഖണ്ഡിലെ ഹസരിബാഗ് ജില്ലയിലാണ് സംഭവം നടന്നത്. കേന്ദ്ര മൈന് പ്ലാനിങ്ങ് ആന്ഡ് ഡിസൈന് ഇന്സ്റ്റിറ്റ്യൂട്ടിലെ ക്ലര്ക്ക് വിനോദ് പതക്കാണ് ഭാര്യ അനു പതക്കിനെ തലയറുത്തു കൊന്നത്.
തിങ്കളാഴ്ച രാത്രി ഇരുവരും വഴക്കിട്ടതിനാൽ മൂന്നുമക്കളിൽ മൂത്തമകള് അയല് വീട്ടിലേക്ക് പോയി. സംഭവസമയത്ത് മറ്റ് രണ്ടുമക്കളും ഉറക്കത്തിലായിരുന്നു. പിറ്റേദിവസം അയല്വീട്ടില് നിന്ന് തിരിച്ചെത്തിയ മകള് ക്രിത അമ്മയെ തിരക്കിയപ്പോള് അമ്മ ബന്ധുവീട്ടില് പോയിരിക്കുകയാണെന്ന് അച്ഛൻ പറഞ്ഞു. അതിനുശേഷം പൊലീസ് സ്റ്റേഷനിലെത്തി ഭാര്യയെ കാണാനില്ലെന്ന് പരാതി നല്കുകയും ചെയ്തു. എന്നാല് വീട്ടില് അത്യാഹിതം നടന്നെന്നും അതിന്റെ ഉത്തരവാദി അച്ഛനായിരിക്കാമെന്നും പറഞ്ഞ് മകള് പൊലീസ് സ്റ്റേഷനിലേക്ക് ഫോണ് ചെയ്തിരുന്നു. ഇതേ തുടര്ന്ന് വിനോദുമായി പൊലീസ് വീട്ടിലെത്തി പരിശോധന നടത്തിയപ്പോഴാണ് മൃതദേഹം കണ്ടെത്തുന്നത്.
https://www.facebook.com/Malayalivartha
