ഒന്നാംക്ലാസുകാരനെ മൂത്രം കലര്‍ത്തിയ ജ്യൂസ് കുടിപ്പിച്ച അധ്യാപകന്‍ അറസ്റ്റില്‍. ആന്ധ്രാപ്രദേശിലെ പ്രകാശം ജില്ലയിലാണ് ഒന്നാം ക്ലാസുകാരനെ അധ്യാപകന്‍ മൂത്രം കലര്‍ത്തിയ ജ്യൂസ് കുടിപ്പിച്ചത്.

സംഭവവുമായി ബന്ധപ്പെട്ട് ചിരാല- പെരളയിലെ വിദ്യാ കണ്‍സെപ്റ്റ് സ്‌കൂളിലെ ഒന്നാം ക്ലാസ് വിദ്യാര്‍ത്ഥിയുടെ രക്ഷിതാക്കൾ പരാതിയുമായിമുന്നോട്ട് വന്നു. ഫെബ്രുവരി മൂന്നിന് ക്ലാസിലെ പെണ്‍കുട്ടിയുടെ ജ്യൂസ് പാത്രത്തില്‍ കുട്ടി മൂത്രമൊഴിക്കുകയും ജ്യൂസ് കുടിക്കേണ്ടെന്നും താന്‍ മൂത്രമൊഴിച്ചിട്ടുണ്ടെന്നും പറഞ്ഞു.

സംഭവത്തിൽ കരഞ്ഞുകൊണ്ട് അധ്യാപകനെ സമീപിച്ച പെണ്‍കുട്ടി ആണ്‍കുട്ടിയ്‌ക്കെതിരെ പരാതി പറഞ്ഞു. അതിനു ശേഷം ശിക്ഷയായി അധ്യാപകന്‍ കുട്ടിയെ മൂത്രം കലർത്തിയ ജ്യൂസ് കുടിയ്ക്കാന്‍ നിര്‍ബന്ധിക്കുകയായിരുന്നു.

എന്നാൽ കുട്ടി പലതവണ ക്ഷമ ചോദിച്ചിട്ടും അധ്യാപകന്‍ അത് കേൾക്കാൻ കൂട്ടാക്കാതെ മൂത്രം കുടിപ്പിക്കുകയായിരുന്നുവെന്ന് രക്ഷിതാക്കൾ പോലീസിൽ നൽകിയ പരാതിയിൽ പറയുന്നു.