ഇന്ത്യയിൽ മത-സാമുദായിക സംഘര്‍ഷങ്ങള്‍ വർധിക്കുന്നു. കേന്ദ്ര സർക്കാർ പുറത്തുവിട്ട കണക്ക് പ്രകാരം എണ്ണൂറിലധികം മത-സാമുദായിക സംഘര്‍ഷങ്ങളാണ് കഴിഞ്ഞ വർഷം ഉണ്ടായത്. ഏറ്റവും കൂടുതൽ സംഘർഷങ്ങൾ നടന്നത് ബിജെപിയുടെ യോഗി ആദിത്യനാഥ് മുഖ്യമന്ത്രിയായിരിക്കുന്ന ഉത്തര്‍ പ്രദേശിലാണ്.

കേന്ദ്ര ആഭ്യന്തര സഹമന്ത്രി ഹന്‍സിരാജ് ആഹിര്‍ പാർലമെന്റിൽ അറിയിച്ച കണക്കാണിത്. 2016ല്‍ 703 സംഘര്‍ഷങ്ങളുണ്ടായി. എന്നാൽ കഴിഞ്ഞ വർഷം ഇത് 811 ആയി ഉയർന്നു. ഇതോടൊപ്പം മരണസംഖ്യയും ക്രമാതീതമായി ഉയരുകയാണ്. ഇതിൽ 195 മത-സാമുദായിക സംഘര്‍ഷങ്ങളും നടക്കുന്നത് യുപിയിലാണ്. 44 ആളുകൾ മരണപ്പെടുകയും ചെയ്തു.

നേരത്തെ പുറത്തുവന്ന റിപ്പോര്‍ട്ടുകളെ ശരിവച്ച്‌ ബിജെപി ഭരിക്കുന്ന സംസ്ഥാനങ്ങള്‍തന്നെയാണ് കൂടുതല്‍ സംഘര്‍ഷങ്ങളുണ്ടാകുന്ന സംസ്ഥാനങ്ങളുടെ പട്ടികയില്‍ മുന്നിലുള്ളത്.