ശക്തമായ പ്രതിഷേധത്തെ തുടര്ന്ന് ലോക്സഭയും രാജ്യസഭയും നിര്ത്തി വച്ചു
09 FEBRUARY 2018 12:58 PM IST
മലയാളി വാര്ത്ത
ലോക്സഭയും രാജ്യസഭയും ഉച്ചവരെ നിര്ത്തി വച്ചു. ആന്ധ്രപ്രദേശിന് പ്രത്യേക പാക്കേജ് അനുവദിക്കണമെന്ന് ആവശ്യപ്പെട്ട് തെലുങ്കുദേശം എംപിമാര് ശക്തമായ പ്രതിഷേധം ഉയര്ത്തിയതിനെത്തുടര്ന്നാണ് സഭകള് നിര്ത്തിവച്ചത്.
ലോക്സഭാ സ്പീക്കര് സുമിത്രാ മഹാജനും രാജ്യസഭാ അധ്യക്ഷന് വെങ്കയ്യ നായിഡുവും അംഗങ്ങളെ ശാന്തരാക്കാന് ശ്രമിച്ചെങ്കിലും അവര് വഴങ്ങിയില്ല. ഇതേത്തുടര്ന്നാണ് സഭകള് ഉച്ചയ്ക്ക് 12 വരെ നിര്ത്തിവയ്ക്കാന് അധ്യക്ഷന്മാര് തീരുമാനിക്കുകയായിരുന്നു.
പാര്ലമെന്റിനു മുന്നിലും ടിഡിപി എംപിമാര് പ്രതിഷേധമുയര്ത്തി. കേന്ദ്ര ബജറ്റില് ആന്ധ്രാപ്രദേശിനെ അവഗണിച്ചെന്ന് ചൂണ്ടിക്കാട്ടി നേരത്തെ തന്നെ ടിഡിപി പ്രതിഷേധം ശക്തമാക്കിയിരുന്നു. ആന്ധ്രയെ അവഗണിച്ചുവെന്ന് ചൂണ്ടിക്കാട്ടി ബിജെപി സഖ്യം ഉപേക്ഷിക്കാന്വരെ ടിഡിപി തയാറായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
