പെണ്‍കുട്ടികളുടെ മദ്യപാനം ഭയക്കേണ്ട സാഹചര്യമാണെന്ന് ഗോവ മുഖ്യമന്ത്രി മനോഹര്‍ പരീക്കര്‍. ഗോവയിലെ കോളേജുകളില്‍ ലഹരി പിടിമുറുക്കുന്നുണ്ട്. വിദ്യാര്‍ത്ഥികള്‍ക്കിടയിലെ ലഹരി ഉപയോഗം നേരത്തെ ഉണ്ടായിരുന്നതാണ് അടുത്തകാലത്താണ് പെണ്‍കുട്ടികളുടെ മദ്യം ഉപയോഗം വ്യാപകമായതെന്നും മനോഹര്‍ പരീക്കര്‍ പറഞ്ഞു. സംസ്ഥാന് യൂത്ത് പാര്‍ലമെന്റില്‍ സംസാരിക്കുകയായിരുന്നു അദ്ദേഹം. ഐ ഐ ടിയില്‍ പഠിച്ചിരുന്ന സമയത്ത് ലഹരി ഉപയോഗിക്കുന്ന ധാരാളം വിദ്യാര്‍ത്ഥികളുണ്ടായിരുന്നു. അന്നൊക്കെ രസത്തിനായി കുറഞ്ഞ അളവിലായിരുന്നു ലഹരി ഉപയോഗിച്ചിരുന്നത്. ഇപ്പോഴത് വ്യാപകമായെന്നും അദ്ദേഹം പറഞ്ഞു.

യുവാക്കളുടെ മടിയും അലസതയുമാണ് ഗോവയിലെ തൊഴിലില്ലായ്മയ്ക്ക് കാരണമെന്നും പരീക്കര്‍ വ്യക്തമാക്കി. ഗോവയിലെ മയക്കു മരുന്നു മാഫിയകള്‍ക്കെതിരെ ശക്തമായ നടപടി സ്വീകരിക്കും. കുട്ടികളെ കര്‍ശനമായി നിയന്ത്രിക്കുന്നതിലൂടെ മാത്രമേ അവരെ ലഹരിയില്‍ നിന്ന് മോചിപ്പിക്കാന്‍ സഹായിക്കൂവെന്നും പരീക്കര്‍ പറഞ്ഞു.