രാജ്യവ്യാപകമായി ഇന്ത്യ പോസ്റ്റ് പേമെന്റ്സ് ബാങ്ക് ഏപ്രില് മുതല് പ്രവര്ത്തനമാരംഭിക്കും
രാജ്യവ്യാപകമായി ഏപ്രില് മുതല് പ്രവര്ത്തനമാരംഭിക്കുമെന്ന് ഇന്ത്യ പോസ്റ്റ് പേമെന്റ്സ് ബാങ്ക് (ഐപിപിബി) പ്രഖ്യാപിച്ചു. 1.55 ലക്ഷം പോസ്റ്റ് ഓഫീസ് ശാഖകള് അക്സസ് പോയിന്റുകളായി പ്രവര്ത്തിക്കുന്നതിനൊപ്പം 650 പേമെന്റ്സ് ബാങ്ക് ശാഖകളും പ്രവര്ത്തനമാരംഭിക്കും. വിപുലീകരണപ്രവര്ത്തനങ്ങള് പൂര്ത്തിയായാല് രാജ്യത്തെ ഏറ്റവും വലിയ ധനകാര്യശൃംഖലയുള്ള സ്ഥാപനമായി ഐപിപിബി മാറും. നഗരഗ്രാമ പ്രദേശങ്ങളില് ഒരുപോലെ ഡിജിറ്റല് പേമെന്റ് സംവിധാനം നല്കുന്ന വിധത്തിലാണ് പ്രവര്ത്തനം. വീട്ടുപടിക്കല് സേവനമെത്തിക്കാന് പോസ്റ്റ്മാന്/പോസ്റ്റ് വുമണ് എന്നിവരുടെ പ്രവര്ത്തനങ്ങളും ഐപിപിബി വാഗ്ദാനം ചെയ്യുന്നുണ്ട്.
2015ലാണ് പേമെന്റ് ബാങ്ക് തുടങ്ങാനുള്ള അനുമതി റിസര്വ് ബാങ്ക് തപാല് വകുപ്പിനു നല്കിയത്. അക്കൗണ്ട് ഉടമകള്ക്കോ ബിസിനസ് സ്ഥാപനങ്ങള്ക്കോ ഒരു ലക്ഷം രൂപ വരെ പോസ്റ്റല് പേമെന്റ് ബാങ്ക് അക്കൗണ്ടില് നിക്ഷേപിക്കാം.
അതേസമയം മറ്റു ബാങ്കുകളെപ്പോലെ വായ്പ നല്കാന് പേമെന്റ് ബാങ്കുകള്ക്ക് അനുമതിയില്ല. വലിയ ശൃംഖലയോടെ പൂര്ണതോതില് പ്രവര്ത്തനമാരംഭിക്കുന്ന മൂന്നാമത് പേമെന്റ് ബാങ്കാണ് ഐപിപിബി. എയര്ടെല് പേമെന്റ് ബാങ്കും പേടിഎമ്മുമാണ് ഐപിപിബിക്കു മുന്നിലുള്ള പേമെന്റ് ബാങ്ക് സേവനം നല്കുന്ന സ്ഥാപനങ്ങള്.
https://www.facebook.com/Malayalivartha
