ഉത്തര്‍ പ്രദേശില്‍ മുപ്പതുകാരിയായ നര്‍ത്തകിയായ ദളിത് യുവതിയെ കൂട്ടമാനഭംഗത്തിനിരയാക്കി. ഉത്തര്‍ പ്രദേശിലെ ബല്ലിയ ജില്ലയിലെ ബന്‍സ്ഡിഹ് ഗ്രാമത്തിനടുത്താണ് നാടിനെ നടുക്കിയ സംഭവം നടന്നത്. കഴിഞ്ഞ ബുധനാഴ്ചയായിരുന്നു സംഭവം.

യുവതിയുടെ പ്രോഗ്രാം കോര്‍ഡിനേറ്റര്‍ ഒരാള്‍ക്ക് പരിചയപ്പെടുത്തുകയും പിന്നീട് ഇരുവരും ചേര്‍ന്ന് തന്നെ പീഡിപ്പിക്കുകയായിരുന്നുവെന്ന് പൊലീസില്‍ നല്‍കിയ പരാതിയില്‍ പറയുന്നു. സംഭവത്തില്‍ രണ്ട് പേരെ പ്രതികളാക്കി കേസ് രജിസ്റ്റര്‍ ചെയ്തിട്ടുണ്ടെന്നും പ്രതികളെ ഉടന്‍ അറസ്റ്റ് ചെയ്യുമെന്നും പൊലീസ് അറിയിച്ചു. പീഡനത്തില്‍ പരിക്കേറ്റ യുവതി അടുത്തുള്ള ആശുപത്രിയില്‍ ചികിത്സയിലാണ്.