ഛണ്ഡീഗഡ് അന്താരാഷ്ട്ര വിമാനത്താവളം അടച്ചു. വിമാനത്താവളത്തിന്റെ റണ്‍വേയുടെ വികസനപ്രവര്‍ത്തനങ്ങള്‍ക്കു വേണ്ടിയാണ് വിമാനത്താവളം അടച്ചത്. ഇതേതുടര്‍ന്നു ഇന്നു മുതല്‍ ഫെബ്രുവരി 26 എല്ലാ വിമാനസര്‍വീസുകളും റദാക്കിയിരിക്കുകയാണെന്ന് അധികൃതര്‍ അറിയിച്ചു.

വിമാനത്താവളത്തില്‍ പ്രവര്‍ത്തനം നിലച്ചത് 80,000 യാത്രക്കാരെയാണ് ബാധിച്ചിരിക്കുന്നത്. റണ്‍വേയുടെ നീളം 9,000 അടിയില്‍നിന്നു 10,400 അടിയായി ഉയര്‍ത്താനാണ് പദ്ധതി. നവീകരണ പ്രവര്‍ത്തനങ്ങള്‍ക്കു ശേഷം ഫെബ്രുവരി 27 വിമാനത്താവളം തുറക്കുമെന്നും അധികൃതര്‍ കൂട്ടിച്ചേര്‍ത്തു.