കശ്മീരിലെ ഇന്ത്യൻ സൈനീക ക്യാമ്പിന് നേരെ നടന്ന ഭീകരാക്രമണത്തിന് പാക്കിസ്ഥാന്റെ പിന്തുണ ഉണ്ടെന്ന് പ്രതിരോധ മന്ത്രി നിർമ്മല സീതാരാമൻ. പാക്കിസ്ഥാൻ നിരന്തരമായി വെടി നിർത്തൽ കരാർ ലംഘിക്കുകയാണെന്നും ഭീകരാക്രമണത്തിന് പാകിസ്ഥാൻ വലിയ വില നൽകേണ്ടി വരുമെന്നും മന്ത്രി വ്യക്തമാക്കി .

പരിക്കേറ്റ സൈനികരെ സന്ദർശിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. അടുത്തിടെ നിരന്തരമായ ഭീ​ക​രാ​ക്ര​മ​ണ​ങ്ങ​ളാണ് കാശ്മീരിൽ അരങ്ങേറുന്നത്. സ്വജ്ജാൻ ഭീകരാക്രമണത്തിന് പിന്നിൽ അസ്ഹർ മസൂദിന്റെ ജയ്‌ഷെ മുഹമ്മദാണെന്നും അവർക്ക് വേണ്ട സഹായങ്ങൾ നൽകിയത് പാക്കിസ്ഥാനെന്നും മന്ത്രി പറഞ്ഞു.

ഭീകരാക്രമണങ്ങളുമായി ബന്ധപ്പെട്ട നിരവധി തെളിവുകള്‍ കൈമാറിയിട്ടും പാക്കിസ്ഥാൻ ഒരു നടപടിയും സ്വീകരിക്കാന്‍ തയ്യാറാവുന്നില്ല. കേന്ദ്ര സര്‍ക്കാരും പ്രതിരോധ മന്ത്രാലയവും സൈനികര്‍ക്കും കശ്മീരിനും ഒപ്പമുണ്ടെന്നും പ്രതിരോധമന്ത്രി വ്യക്തമാക്കി.