വീട്ടിലാരുമില്ലാത്ത സമയത്ത് പെൺകുട്ടിയെ പീഡിപ്പിക്കാൻ ശ്രമിച്ച 16കാരനെ പോലീസ് പിടികൂടി. മധ്യപ്രദേശിലാണ് സംഭവം. പെൺകുട്ടിയുടെ അച്ഛനും അമ്മയും ജോലിക്ക് പോയ സമയം നോക്കി ഈ ആൺകുട്ടി പീഡിപ്പിക്കാൻ ശ്രമിക്കുകയായിരുന്നു. ശ്രമം തടുത്ത പെൺകുട്ടിയെ അതിക്രൂരമായി മർദ്ദിക്കുകയും മണ്ണെണ്ണ ഒഴിച്ച് കത്തിക്കുകയും ചെയ്തു. തുടർന്ന് ആൺകുട്ടി ഓടി രക്ഷപ്പെടുകയായിരുന്നു.

വീട്ടില്‍ നിന്നും തീ പടരുന്നത് കണ്ട നാട്ടുകാർ ഉടൻതന്നെ തീയണച്ച്‌ കുട്ടിയെ ആശുപത്രിയില്‍ എത്തിച്ചു. അപ്പോഴേക്കും 50% പൊള്ളലേറ്റിരുന്നു. കുട്ടിയുടെ നില അതീവ ഗുരുതരമാണ്.