ഇന്ത്യന് മുജാഹിദീന് ഭീകരന് അരീസ് ഖാനെ പോലീസ് കസ്റ്റഡിയില് വിട്ടു
15 FEBRUARY 2018 12:55 PM IST
മലയാളി വാര്ത്ത
ഇന്ത്യന് മുജാഹിദീന് ഭീകരന് അരീസ് ഖാനെ പോലീസ് കസ്റ്റഡിയില് വിട്ടു. ഡല്ഹി കോടതിയാണ് അരീസ് ഖാനെ 25 ദിവസം പോലീസ് കസ്റ്റഡിയില് വിട്ടത്. ബോംബ് നിര്മാണവും സ്ഫോടനവും ഉള്പ്പെടെ നിരവധി കേസുകളില് പ്രതിയായ അരീസ് ഖാനെ ബുധനാഴ്ച നേപ്പാളിനിന്നും സ്പെഷല് പോലീസാണ് പിടികൂടിയത്.
ബട്ല ഹൗസ് ഏറ്റുമുട്ടല് കേസിലും 2008 സെപ്റ്റംബര് 13ന് ഡല്ഹിയിലുണ്ടായ ബോംബ് സ്ഫോടന പരമ്പരകളിലും അരീസ് ഖാന് പ്രതിയായിരുന്നു. അരീസ് ഖാനെ സംബന്ധിച്ച് വിവരം നല്കുന്നവര്ക്ക് എന്ഐഎ പത്ത് ലക്ഷം രൂപയും ഡല്ഹി പോലീസ് അഞ്ച് ലക്ഷം രൂപയും പ്രതിഫലം പ്രഖ്യാപിച്ചിരുന്നു.
2008ല് ഡല്ഹിയിലും ജയ്പൂരിലും അഹമ്മദാബാദിലുമുണ്ടായ സ്ഫോടന പരമ്പരകളില് 165 പേര് കൊല്ലപ്പെടുകയും 535 പേര്ക്ക് പരിക്കേല്ക്കുകയും ചെയ്തിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
