ജമ്മു കാശ്മിരിലെ പുല്വാമയിലെ സി.ആര്.പി.എഫ് ക്യാമ്പിന് നേരെ ഭീകരാക്രമണം, സൈന്യം ശക്തമായി തിരിച്ചടിച്ചു
ജമ്മു കാശ്മിരിലെ പുല്വാമയിലെ സി.ആര്.പി.എഫ് ക്യാമ്പിന് നേരെ ഭീകരാക്രമണം. പന്സ് ഗാം ഗ്രാമത്തിലുള്ള ക്യാമ്പിന് നേരെ ഒരു സംഘം ഭീകരര് നിറയൊഴിക്കുകയായിരുന്നു. ആക്രമണത്തെ തുടര്ന്ന് സൈന്യം ശക്തമായി തിരിച്ചടിച്ചു. പ്രദേശത്ത് ഇപ്പോഴും ഏറ്റുമുട്ടല് നടക്കുകയാണ്.
കഴിഞ്ഞ കുറച്ച് ദിവസങ്ങളായി സൈന്യത്തിനും സൈനികക്യാമ്പുകള്ക്കുമെതിരെ ഭീകരര് ആക്രമണം നടത്തുന്നത് തുടര്ക്കഥയാകുകയാണ്. കഴിഞ്ഞ ദിവസം സുന്ജുന്വാനില് സൈനിക ക്യാമ്പിന് നേരെ നടന്ന ആക്രമണത്തില് ആറ് സൈനികര് കൊല്ലപ്പെട്ടിരുന്നു. ഇതിന് പിന്നാലെ ശക്തമായ മുന്നറിയിപ്പ് ഇന്ത്യ പാകിസ്ഥാന് നല്കിയിരുന്നു.
തുടര്ച്ചയായി നടക്കുന്ന ഭീകരാക്രമണങ്ങള്ക്കെതിരെ പാകിസ്ഥാന് നടപടികള് കൈക്കൊള്ളുന്നില്ലെന്ന് മാത്രമല്ല കശ്മീരില് കൂടുതല് ഇടങ്ങളിലേക്ക് അവര് ഭീകരത വ്യാപിപ്പിക്കുകയാണെന്നും പ്രതിരോധമന്ത്രി നിര്മല സീതാരാമന് നേരത്തെ ആരോപിച്ചിരുന്നു. പാകിസ്ഥാന് വെടിനിര്ത്തല് കരാര് ലംഘിക്കുന്നത് ഭീകരരെ സഹായിക്കുന്നതിന് വേണ്ടിയാണെന്നും നിര്മല സീതാരാമന് വ്യക്തമാക്കി.
https://www.facebook.com/Malayalivartha
