കനേഡിയന് പ്രധാനമന്ത്രി ജസ്റ്റിന് ട്രൂഡോ താജ്മഹല് സന്ദർശിച്ചു ; ലോകമഹാത്ഭുതം കാണാൻ കനേഡിയന്രാഷ്ട്രത്തലവനെത്തിയത് കുടുംബത്തോടൊപ്പം
ഒരാഴ്ചത്തെ സന്ദര്ശനത്തിനായി ഇന്ത്യയില് എത്തിയ കനേഡിയന് പ്രധാനമന്ത്രി ജസ്റ്റിന് ട്രൂഡോ കുടുബവുമൊത്ത് ലോകമഹാത്ഭുതങ്ങളില് ഒന്നായ താജ്മഹല് സന്ദര്ശിച്ചു.ഭാര്യ സോഫിയ ഗ്രീഗോറിനും മൂന്നു മക്കളായ സേവ്യര്, എല്ല ക്രെയ്സ്, ഹാഡ്രിന് എന്നിവരോടൊപ്പമാണ് ജസ്റ്റിന് ട്രൂഡോ താജ്മഹല് കാണാന് എത്തിയത്. ഇന്ത്യയുടെ അഭിമാനമായ താജ് മഹല് കഴിഞ്ഞ ഏതാനും വര്ഷങ്ങളായി നിരവധി വിദേശ പ്രതിനിധികള് സന്ദര്ശിച്ചിട്ടുണ്ട്.
ഔദ്യോഗിക സന്ദര്ശനത്തിനായി ശനിയാഴ്ചയാണ് ജസ്റ്റിന് ട്രൂഡോ ഇന്ത്യയില് എത്തിയത്. താജ് മഹല് സന്ദര്ശനത്തിനു ശേഷം അദ്ദേഹം മധുരയിലേക്ക് പോകുകയും, അവിടെ വൈല്ഡ് ലൈഫ് സെഞ്ച്വറി (എലിഫന്റ് കണ്സര്വേഷന് സെന്റര്) സന്ദര്ശിക്കുകയും ചെയ്യും. കനേഡിയന് പ്രധാനമന്ത്രിയുടെ സന്ദര്ശനവുമായി ബന്ധപ്പെട്ട് വന്യജീവി സങ്കേതത്തില് പൊതുജനങ്ങളുടെ പ്രവേശനം താത്കാലികമായി നിര്ത്തിവെച്ചിരിക്കുകയാണ്.
സ്ഥാനമേറ്റെടുത്ത ശേഷം ഇതാദ്യമായാണ് ജസ്റ്റിന് ട്രൂഡോ ഇന്ത്യയിലെത്തുന്നത്. സിവില് ആണവ സഹകരണം, സ്പെയ്സ് റിസര്ച്ച്, പ്രതിരോധം, ഊര്ജം, വിദ്യാഭ്യാസം തുടങ്ങിയ മേഖലകളില് ഇന്ത്യന് പ്രതിനിധികളുമായി അദ്ദേഹം ചര്ച്ച നടത്തും.ഇരുരാജ്യങ്ങളും തമ്മിലുള്ള ഉഭയകക്ഷി ബന്ധം ഊട്ടിയുറപ്പിക്കാനും, ഉഭയകക്ഷി സഹകരണം കൂടുതല് ആഴത്തിലാക്കാനുള്ള വഴികള് ചര്ച്ച ചെയ്യാനും ജസ്റ്റിന് ട്രൂഡോയുടെ ഈ സന്ദര്ശനത്തിലൂടെ സാധിക്കും.
https://www.facebook.com/Malayalivartha
