ലോകത്തിലെ എറ്റവും വലിയ പാര്‍ട്ടി ഓഫിസ് തങ്ങള്‍ പണിതെന്നാണ് ബി.ജെ.പി അധ്യക്ഷന്‍ അമിത്ഷാ പറയുന്നത്. അഭിനന്ദനങ്ങള്‍!!1.70 ലക്ഷം സ്‌ക്വയര്‍ ഫിറ്റില്‍ , ബഹുനില, മൂന്ന് ടവര്‍ മന്ദിരം ,ആധുനിക വിവര സാങ്കേതിക തികവുകളോടെ ബി.ജെ.പി പണിത്തുയര്‍ത്തിയത് തറക്കലിട്ട് വെറും 18 മാസം കൊണ്ടാണ്. 2016 ആഗസ്റ്റിലാണ് മോദിയും ,അമിത് ഷായും ഈ ബഹുനില മന്ദിരത്തിന് തറക്കലിട്ടത്. കൃത്യമായി ട പറഞ്ഞാല്‍ രാജ്യത്തെ ഉയര്‍ന്ന മൂല്യമുള്ള നോട്ടുകള്‍ നിരോധിക്കുന്നതിന് രണ്ട് മാസം മുമ്പ്. 18 മാസം കൊണ്ട് 1.70 ലക്ഷം സ്‌ക്വയര്‍ ഫിറ്റില്‍ ഒരു ബഹു നില മന്ദിരം പണിതു. തങ്ങളുടെ സര്‍ക്കാര്‍ നിരോധിച്ച നോട്ടുകള്‍ കേന്ദ്രത്തിലേക്ക് തിരികെ എത്തിയിട്ടും ഇതുവരെ എണ്ണി തിട്ടപ്പെട്ടുത്തയിട്ടില്ലാ !! ബി.ജെ.പിയുടെ വേഗം ഇതാണ്.

മഹാരാഷ്ട്രയിലേ ദാദറിലേ ഇന്ദു മില്‍സില്‍ 2015 ഒക്ടോബറിലാണ് അബേദ്ക്കറിന്റെ ഓര്‍മ സുചകമായി നിര്‍മ്മിക്കുന്ന സ്തുപത്തിന്റെയും മ്യുസിയത്തിന്റെയും തറക്കലിടല്‍ മോദിയും ഫഡ്‌നാവിസും നിര്‍വഹിച്ചത്. പിന്നെയും ഒരു വര്‍ഷം കഴിഞ്ഞ് , 2016 ഒക്ടോബറിലാണ് സ്മാരകത്തിന് നിര്‍മ്മാണ അനുമതി ലഭിച്ചത്. അബേദ്ക്കറിന്റെ സ്തുപത്തിനും ലാന്‍ഡ് സ്‌കെപ്പിനും ആയി 25000 സ്‌ക്വയര്‍ ഫിറ്റാണ് പദ്ധതി രൂപരേഖയില്‍ പറയുന്നത്. മ്യുസിയം 39,622 സ്‌ക്വയര്‍ മിറ്ററും. ഇവയ്‌ക്കെല്ലാമായി ചിലവ് വരുന്ന നിര്‍മ്മാണ തുക 425 കോടി രൂപയാണ്. 12 ഏക്കറില്‍ ഉയരേണ്ട ഈ പദ്ധതിയേക്കാള്‍ വേഗത്തില്‍ ഇതിന്റെ ഒരു രണ്ട് മൂന്നിരട്ടി സ്വകയര്‍ ഫിറ്റുള്ള പാര്‍ട്ടി ഓഫീസ് ബി.ജെ.പി പൂര്‍ത്തികരിച്ചു എന്നത് അഭിനന്ദനം അര്‍ഹിക്കുന്ന കാര്യമാണ്. കേന്ദ്രം ഭരിക്കുന്ന, മഹാരാഷ്ട്ര ഭരിക്കുന്ന സര്‍ക്കാരുകള്‍ പദ്ധതികള്‍ സമയബന്ധിതമായി എങ്ങനെ നടത്താം എന്ന് ബി.ജെ.പിയെ കണ്ട് പഠിക്കേണ്ടതാണ് .

2016 ഡിസംബര്‍ 24ന് ലോകത്തിലേ തന്നെ എറ്റവും ഉയരമുള്ള പ്രതിമകളില്‍ ഒന്നായ ചത്രപതി ശിവജി മഹാരാജ് മെമോറിയലിന് നരേന്ദ്ര മോദി തറക്കല്ലിട്ടു. നോട്ട് നിരോധിച്ചതിന് ഒറ്റ മാസം കഴിഞ്ഞപ്പോള്‍, എന്താണ്ട് 1.30 ലക്ഷം സ്‌ക്വയര്‍ ഫിറ്റില്‍, 210 മിറ്റര്‍ ഉയരത്തില്‍ നിര്‍മ്മിക്കുന്ന പ്രതിമയ്ക്ക് 4000 കോടി രൂപ ചിലവ് വരും ! ബഡ്ജറ്റ് അലോകേഷന്‍ ആണ് പറഞ്ഞത് . 2021 ല്‍ പണി തിരുമെന്ന് കരുതുന്ന പദ്ധതിയുടെ കാല്‍ഭാഗം പോലും ഇത് വരെ ആയിട്ടില്ലാ, 2017 നവംബര്‍ പിന്നിട്ടപ്പോഴെക്കും 15 കോടി ചിലവഴിച്ചു. ഇതിനെക്കാള്‍ സ്‌ക്വയര്‍ഫിറ്റ് അധികമായ, ഇത്രയെറെ സജ്ജികരണങ്ങളുള്ള ബി.ജെ.പി ഓഫിസ് പണികഴിപ്പിക്കാന്‍ 18 മാസം കൊണ്ട് സാധിച്ചാല്‍ അവരെ അഭിനന്ദിക്കണം.. 1.30 ലക്ഷം സ്‌ക്വയര്‍ ഫിറ്റില്‍ 4000 കോടി രൂപ ചിലവ് വരുന്ന പദ്ധതി ഇഴയുബോഴാണിത് .

12 എക്കറില്‍, ഉദേശം 65000 സ്‌ക്വയര്‍ ഫിറ്റില്‍ 425 കോടിയുടെ അബേദ്ക്കാര്‍ സ്റ്റാച്ചു നിര്‍മ്മാണം ഇഴയുബോള്‍, 1.30 ലക്ഷം സ്‌ക്വയര്‍ ഫിറ്റില്‍ 4000 കോടി പദ്ധതിയായ ശിവജി പ്രതിമ നിര്‍മ്മാണം ഇഴയുബോള്‍, ഇനിയും എണ്ണിത്തിരാന്‍ നോട്ടുകള്‍ ബാക്കിയുള്ളപ്പോള്‍, 2016 - 2017 ലെ ഇന്‍കം ആന്‍ഡ് എക്‌സ്‌പെന്‍ഡിച്ചര്‍ ഓഫ് നാഷണല്‍ പൊളിറ്റിക്കല്‍ പാര്‍ട്ടീസ് റിപ്പോര്‍ട്ട് സബ്മിഷന്‍ ഡേറ്റ് കഴിഞ്ഞ് 100 ദിവസം പിന്നിട്ടിട്ടും സമര്‍പ്പിക്കാന്‍ പോലും പറ്റാത്തെ ബി.ജെ.പി ഉഴലുമ്പോഴാണ് 1.70 ലക്ഷം സ്‌ക്വയര്‍ ഫിറ്റില്‍ 18 മാസം കൊണ്ട് ബി.ജെ.പി ഹെഡ്ക്വാട്ടേര്‍സ് പണിത്തുയര്‍ന്നത് !! എത്രയാണ് നിര്‍മ്മാണ ചിലവെന്ന് നിങ്ങള്‍ ഊഹിക്കൂ....