പഞ്ചാബ് നാഷണല്‍ ബാങ്കിന്റെ അമിതാവേശമാണ് കടം വീട്ടാനുള്ള ശേഷിയുണ്ടായിട്ടും തന്റെ വഴികളടച്ചതെന്ന് നീരവ് മോദി. പഞ്ചാബ് നാഷണല്‍ ബാങ്ക് തുക പെരുപ്പിച്ചു കാട്ടുകയാണെന്നും യഥാര്‍ഥ ബാധ്യത 5,000 കോടിയില്‍ താഴെയാണെന്നും കാട്ടി നീരവ് മോദി ബാങ്കിന് അയച്ചതെന്നു കരുതുന്ന കത്തു പുറത്തുവന്നിട്ടുണ്ട്.

ബാങ്കിന്റെ 'അമിതാവേശം' വായ്പ തിരിച്ചടയ്ക്കാനുള്ള സാധ്യത ഇല്ലാതാക്കിയെന്നും തന്റെ ബ്രാന്‍ഡിനെ തകര്‍ത്തെന്നും കത്തിലുണ്ട്. നേരത്തെ വസ്തു വകകള്‍ വില്‍പന നടത്തി വായ്പ തിരിച്ചടക്കാമെന്ന് താന്‍ പറഞ്ഞിരുന്നെന്നും മോദി കത്തില്‍ പറയുന്നു.

പഞ്ചാബ് നാഷണല്‍ ബാങ്കുള്‍പ്പെടെയുള്ള ബാങ്കുകളില്‍ നിന്ന് 11500 കോടി രൂപ തട്ടിയെന്നാണ് നീരവ് മോദി എന്ന വജ്ര വ്യവസായി തട്ടിച്ചത്. ഇയാള്‍ ഇപ്പോള്‍ വിദേശത്താണ്. ഈ തട്ടിപ്പ് കഥ പുറം ലോകം അറിഞ്ഞ ദിവസങ്ങള്‍ക്ക് ശേഷമാണ് വിക്രം കോത്താരി എന്ന വ്യവസായി അലഹബാദ് ബാങ്ക്, യൂണിയന്‍ ബാങ്ക് എന്നിവിടങ്ങളില്‍ നിന്ന് 800 കോടി തട്ടിച്ച്‌ മുങ്ങിയിത്. പിന്നീടിത് 3700 കോടി വരുമെന്ന് സി.ബി.ഐ വ്യക്തമാക്കി.