പഞ്ചാബ് നാഷണൽ ബാങ്ക് സാമ്പത്തിക തട്ടിപ്പ് നടത്തി രാജ്യംവിട്ട നീരവ്​ മോദിയുടെ ജ്വല്ലറിയുടെ ബ്രാന്‍ഡ് അംബാസഡര്‍ പദവിയില്‍ നിന്ന് ബോളിവുഡ് നടിയും മോഡലുമായ പ്രിയങ്ക ചോപ്ര പിന്മാറി. ജ്വല്ലറിയുമായുള്ള പരസ്യകരാര്‍ റദ്ദാക്കുന്നത്​ സംബന്ധിച്ച്‌ പ്രിയങ്ക ചോപ്ര കഴിഞ്ഞ​ ദിവസം നിയമവിദഗ്​ധരുടെ ഉപദേശം തേടിയിരുന്നു. ഇതിന് പിന്നാലെ പരസ്യകരാറില്‍ നിന്ന് പിന്മാറുകയായിരുന്നു.

2017 ജനുവരി മുതലാണ് മൂന്നുവർഷത്തെ കോൺഡ്രാക്ട് അടിസ്ഥാനത്തിൽ പ്രിയങ്ക ചോപ്ര നീരവ്​ മോദിയുടെ ഉടമസ്ഥതയിലുള്ള ആഡംബര ജ്വല്ലറിയുടെ ബ്രാന്‍ഡ്​ അംബാസിഡറാകുന്നത്​. പുതിയ സംഭവങ്ങളുടെ സാഹചര്യത്തിലാണ് താരത്തിന്‍റെ പിന്മാറ്റം.