ബോളിവുഡ് നടി ശ്രീദേവിയുടെ മൃതദേഹം സ്വകാര്യ വിമാനത്തില്‍ ദുബായില്‍ നിന്ന് മുംബൈയിലെത്തിച്ചു. ശ്രീദേവിയുടെ ഭര്‍ത്താവ് ബോണി കപൂറിന്റെ സഹോദരന്‍ അനില്‍ കപൂര്‍ ശ്രീദേവിയുടെ മക്കളായ ജാന്‍വി, ഖുഷി എന്നിവര്‍ മൃതദേഹം ഏറ്റുവാങ്ങാന്‍ വിമാനത്താവളത്തിലെത്തിയിരുന്നു. വിമാനത്താവളത്തില്‍ നിന്ന് ആംബുലന്‍സിലാണ് മൃതദേഹം മുംബൈയിലെ ബോണി കപൂറിന്റെ വസതിയിലെത്തിക്കുക. ശനിയാഴ്ച അന്തരിച്ച ശ്രീദേവിയുടെ മൃതദേഹം ചൊവ്വാഴ്ചയാണ് നടപടികള്‍ പൂര്‍ത്തിയാക്കി ദുബായ് പോലീസ് ബന്ധുക്കള്‍ക്ക് വിട്ടുനല്‍കിയത്.

ഇന്ന് വൈ​കു​ന്നേ​രം 3.30 ന് ​പ​വ​ന്‍ ഹാ​ന്‍​സി​ലെ വി​ലെ പാ​ര്‍​ലെ സേ​വ സ​മാ​ജ​ത്തി​ലെ ഹി​ന്ദു സെ​മി​ത്തേ​രി​യി​ൽ സം​സ്കാ​രം ന​ട​ക്കും. രാ​വി​ലെ 9.30 മു​ത​ല്‍ 12.30 വ​രെ അ​ന്ധേ​രി​യി​ലെ ശ്രീ​ദേ​വി​യു​ടെ വ​സ​തി​യാ​യ ലോ​ഖ​ണ്ഡ​വാ​ല കോം​പ്ല​ക്‌​സി​ന് സ​മീ​പ​മു​ള്ള സെ​ലി​ബ്രേ​ഷ​ന്‍​സ് ക്ല​ബി​ല്‍ മൃ​ത​ദേ​ഹം പൊ​തു​ദ​ര്‍​ശ​ന​ത്തി​ന് വ​യ്ക്കും. ഇ​വി​ടെ​നി​ന്നും ഉ​ച്ച​യ്ക്ക് ര​ണ്ടോ​ടെ വി​ലാ​പ​യാ​ത്ര​യാ​യി സെ​മി​ത്തേ​രി​യി​ലേ​ക്ക് കൊ​ണ്ടു​പോ​കും.

കുടുംബവിവാഹത്തില്‍ പങ്കെടുക്കുന്നതിനായി ദുബായിലെത്തിയ ശ്രീദേവിയെ ശനിയാഴ്ചയാണ് ഹോട്ടലിലെ കുളിമുറിയില്‍ മരിച്ച നിലയില്‍ കണ്ടെത്തിയത്. ശ്രീദേവിയുടേത് മുങ്ങിമരണമാണെന്നാണ് ഫോറന്‍സിക് റിപ്പോര്‍ട്ട്. എന്നാല്‍ ശ്രീദേവിയുടെ മരണവുമായി ബന്ധപ്പെട്ട കേസ് അന്വേഷണം അവസാനിപ്പിച്ചതായി ദുബായ് പോലീസ് അറിയിച്ചിരുന്നു. ശ്രീദേവി മരിച്ചത് അബദ്ധത്തിലുള്ള മുങ്ങിമരണം മൂലമാണെന്ന പ്രോസിക്യൂഷന്‍ റിപ്പോര്‍ട്ട് പോലീസ് ശരിവെച്ചതോടെയാണ് അന്വേഷണം അവസാനിപ്പിച്ചത്.