മെച്ചപ്പെട്ട സമ്പത്ത് വ്യവസ്ഥയുള്ള രാജ്യങ്ങളുടെ പട്ടികയില്‍ ഇന്ത്യ ഒന്നാം സ്ഥാനത്ത്. കേന്ദ്രസ്ഥിതി വിവര മന്ത്രാലയം പുറത്തുവിട്ട കണക്കുകള്‍ അനുസരിച്ച് ഒക്ടോബര്‍ ഡിസംബര്‍ കാലയളവില്‍ 7.2 ശമാനം വളര്‍ച്ചാനിരക്ക് രേഖപ്പെടുത്തി . സാമ്പത്തിക വിദഗ്ദര്‍ 6.9 ശതമാനം വളര്‍ച്ച മാത്രമാണ് പ്രതീക്ഷിച്ചിരുന്നത് എന്നാൽ 7.2 ശതമാനത്തിലേക്ക് ഇന്ത്യന്‍ സമ്പദ് വ്യവസ്ഥ ഉയരുകയായിരുന്നു.

ലോകത്ത് അതിവേഗം വളരുന്ന സാമ്പത്തിക ശക്തിയായ ചൈനയെ തള്ളിയാണ് ഇന്ത്യ മുന്നോട്ട് വന്നിരിക്കുന്നത്. ഇത് നോട്ട് നിരോധനവും, ജിഎസ്ടിയും ഏല്‍പ്പിച്ച ആഘാതത്തില്‍ നിന്നും ഇന്ത്യന്‍ സമ്പദ് വ്യവസ്ഥ ഉയർത്തെഴുന്നേൽക്കുന്നതിന്റെ സൂചനയാണ്.

ജിഎസ്ടിയും നോട്ട് നിരോധനവും രാജ്യത്തെ സമ്പദ് വ്യവസ്ഥ തകര്‍ത്തുവെന്ന ആക്ഷേപങ്ങള്‍ക്കിടെ കേന്ദ്രസര്‍ക്കാരിന് ഏറെ ആശ്വാസകരമാകുന്നതാണ് പുതിയ റിപ്പോര്‍ട്ടുകള്‍. ഒരു വര്‍ഷത്തിനിടെ ഉല്‍പ്പാദന മേഖലയുടെ 5.1 ശതമാനവും ,കാര്‍ഷിക മേഖല 4.1 ശതമാനവും നിര്‍മാണ മേഖല 6.8 ശതമാനവും വളര്‍ച്ച നേടി.