ജമ്മുകശ്മീരിലെ അനന്ത്‌നാഗില്‍ സൈന്യവും ഭീകരരും തമ്മിലുള്ള ഏറ്റുമുട്ടലിൽ രണ്ട്‌ ഭീകരർ കൊല്ലപ്പെട്ടു. അനന്ത്‌നാഗിലെ ഡൂരു പ്രദേശത്താണ് സൈന്യവും ഭീകരരും തമ്മില്‍ ഏറ്റുമുട്ടലുണ്ടായത്. ഭീകരരില്‍ നിന്ന് നിരവധി ആയുധങ്ങളും വെടിക്കോപ്പുകളും കണ്ടെത്തി. വെള്ളിയാഴ്ച്ച രാത്രി ആരംഭിച്ച ഏറ്റുമുട്ടല്‍ ശനിയാഴ്ച്ച പുലര്‍ച്ചെയാണ് അവസാനിച്ചത്.

ഇന്ത്യൻ സൈന്യവും അനന്ത്‌നാഗ് പോലീസും സംയുക്തമായാണ് ഭീകരരെ നേരിട്ടത്. ഏറ്റുമുട്ടൽ നടന്ന മേഖലയില്‍ ഭീകരര്‍ക്കായുള്ള തെരച്ചില്‍ ഇപ്പോഴും തുടരുകയാണ്. ഭീകരരുടെ പേരുവിവരങ്ങള്‍ പുറത്തുവിട്ടിട്ടില്ല.

സൈന്യവും ഭീകരരും തമ്മില്‍ ദിവസങ്ങളായി ഏറ്റുമുട്ടല്‍ നടന്ന കുപ്വാരയില്‍ നിന്നും വന്‍ ആയുധശേഖരം സൈന്യം കണ്ടെടുത്തിരുന്നു. ഇവിടെ ആക്രമണങ്ങളില്‍ അഞ്ച് ഭീകരരും രണ്ട് പോലീസുകാരുള്‍പ്പടെ അഞ്ച് സുരക്ഷാഭടന്മാരും കൊല്ലപ്പെട്ടിരുന്നു.