പരിശീലനപ്പറക്കലിനിടെ പാരച്യൂട്ട് തകര്‍ന്ന് ഇന്ത്യന്‍ സൈനികന്‍ മരിച്ചു. മാല്‍പ്പുര പാര വണ്‍ ബ്രിഗേഡിലെ ലാന്‍സ് നായിക് സുനില്‍ കുമാറാണ് മരിച്ചത്. ദിവസേനയുള്ള പരിശീലനത്തിനിടെയാണ് അപകടമുണ്ടായത്. പാരച്യൂട്ട് തുറക്കാന്‍ കഴിയാതെ വന്നതോടെ സുനില്‍ കുമാര്‍ താഴേക്ക് പതിക്കുകയായിരുന്നു.

ഉടന്‍ തന്നെ ഇദ്ദേഹത്തെ ആശുപത്രിയില്‍ എത്തിച്ചെങ്കിലും മരണം സംഭവിക്കുകയായിരുന്നു. തലയ്‌ക്കേറ്റ ഗുരുതരമായ പരിക്കാണ് മരണകാരണമെന്ന് ആശുപത്രി വൃത്തങ്ങള്‍ അറിയിച്ചു. ഹരിയാനയിലെ പല്‍വാള്‍ സ്വദേശിയാണ് സുനില്‍ കുമാര്‍.