പെണ്‍വേഷം കെട്ടി, നാട്ടുകാരെയും വീട്ടുകാരെയും കബളിപ്പിച്ച് വീട്ടമ്മയുമായി വിവാഹേതരബന്ധം പുലർത്തിയ യുവാവിന് കിട്ടിയത് എട്ടിന്റെ പണി. യുവതിയുടെ ഭർത്താവിന്റെ അടുത്ത സുഹൃത്താണ് പിടിയിലായ രാജേഷ്. ഈ കുടുംബവുമായി അടുത്ത ബന്ധം പുലർത്തിയിരുന്ന രാജേഷ് സ്ഥിരമായി ഭക്ഷണം കഴിക്കാന് ഇവിടെ എത്തുമായിരുന്നു. അങ്ങനെയാണ് യുവതിയുമായി രാജേഷ് അടുപ്പത്തിലായത്. വീട്ടമ്മ താമസിക്കുന്ന ഫ്ളാറ്റിലെ മറ്റു താമസക്കാർക്കും സെക്യൂരിറ്റി ജീവനക്കാർക്കും സംശയം തോന്നാതിരിക്കാനാണ് പെണ്‍വേഷം തിരഞ്ഞെടുക്കാൻ ഇരുവരും തീരുമാനിച്ചത്.

ആദ്യ പരീക്ഷണം വിജയമായപ്പോൾ നൈറ്റി വേഷം സ്ഥിരമാക്കാൻ തീരുമാനിക്കുകയായിരുന്നു. ശേഷം നിരവധി തവണ രാജേഷ്, യുവതിയുടെ ഫ്ളാറ്റിലെത്തി. എന്നാൽ വർഷങ്ങളായി തുടരുന്ന അവിഹിത ബന്ധം  ഭർത്താവ് പിടികൂടുകയായിരുന്നു. കഴിഞ്ഞ ദിവസം രാവിലെ പതിനൊന്നുമണിക്കാണ് രാജേഷ് ഫ്ളാറ്റിലെത്തിയത്. ഈ സമയം ഉറക്കത്തിലായിരുന്നു യുവതിയുടെ ഭർത്താവ്.

തുടർന്ന് ഇയാളെ മയക്കികിടത്താന് രാജേഷും യുവതിയും തീരുമാനിച്ചു. എന്നാല് ശബ്ദം കേട്ട് ഞെട്ടിയുണർന്ന ഇയാൾ നൈറ്റി ധരിച്ച രാജേഷിനെ കണ്ട് പിടികൂടാന് ശ്രമിച്ചു. പുറത്തേക്ക് ഓടി രക്ഷപ്പെടാന് ശ്രമിച്ച രാജേഷിനെ ഇയാള് പിന്നാലെ ചെന്ന് പിടികൂടുകയായിരുന്നു. പിടിവലിക്കിടെ നൈറ്റികീറിയപ്പോഴാണ് സുഹൃത്തതാണെന്ന് മനസ്സിലായത്.തുടർന്ന് പൊലീസിൽ വിവരം അറിയിക്കുകയായിരുന്നു.