ഇന്ത്യയുടെ അഭിമാന പ്രോജക്ടായ ചന്ദ്രയാന്‍ രണ്ടിന്റെ വിക്ഷേപണം ഒക്ടോബറിലേക്ക് മാറ്റിയതായി ഐഎസ്ആര്‍ഒ ചെയര്‍മാന്‍. ചന്ദ്രയാന്‍ ഒന്ന് ചാന്ദ്രപര്യവേഷണ ദൗത്യത്തില്‍ ശ്രദ്ധേയമായ സംഭാവനകള്‍ നല്‍കിയിരുന്നു. വിദഗ്ദ്ധര്‍ ചില പരീക്ഷണങ്ങള്‍ നിര്‍ദ്ദേശിച്ചതിന്റെ സാഹചര്യത്തിലാണ് അടുത്തമാസം നിശ്ചയിച്ചിരുന്ന വിക്ഷേപണം മാറ്റിവച്ചിരിക്കുന്നത്.

പ്രധാനമന്ത്രിയുടെ ഓഫീസില്‍ ബഹിരാകാശ ഗവേഷണത്തിന്റെ ചുമതലയുള്ള സഹമന്ത്രി ജിതേന്ദ്ര സിങ് ചന്ദ്രയാന്‍ ഏപ്രിലില്‍ തന്നെ വിക്ഷേപിക്കുമെന്ന് പ്രഖ്യാപിച്ചിരുന്നു. ദൗത്യത്തിന് ഏകദേശം 800 കോടിയാണ് ചിലവ് പ്രതീക്ഷിക്കുന്നത്.