ത്രിരാഷ്ട്ര ഏകദിനത്തില് ആസ്ട്രേലിയ എക്ക് ജയം
ഇന്ത്യ, ദക്ഷിണാഫ്രിക്ക, ആസ്ട്രേലിയ എ ടീമുകള് പങ്കെടുന്ന ത്രിരാഷ്ട്ര ഏകദിന പരമ്പരയിലെ ആദ്യ മത്സരത്തില് ആസ്ട്രേലിയക്ക് തകര്പ്പന് ജയം. ദക്ഷിണാഫ്രിക്ക എയെ നേരിട്ട ഓസീസ്, ബൗളര്മാരുടെയും ഓപണര്മാരുടെയും മികവില് 114 പന്തുകള് ശേഷിക്കെ ഒമ്പത് വിക്കറ്റിന്റെ ജയമാണ് കുറിച്ചത്. ആദ്യം ബാറ്റ് ചെയ്ത ദക്ഷിണാഫ്രിക്ക 48.4 ഓവറില് 171 റണ്സില് പുറത്തായി. മറുപടിയായി 31 ഓവറില് ഒരാളെ മാത്രം നഷ്ടപ്പെടുത്തി കങ്കാരുപ്പട മത്സരം സ്വന്തമാക്കി. ദക്ഷിണാഫ്രിക്കന് ബാറ്റിങ് തകര്ച്ചയില് നഥാന് കൗള്ട്ടര്നീല് മൂന്നു വിക്കറ്റുകളുമായി മുന്നില്നിന്ന് നയിച്ചപ്പോള്, പാറ്റിന്സണ്, ബോയ്സ്, അഗര് എന്നിവര് രണ്ട് വീതം വിക്കറ്റുകള് വീഴ്ത്തി. ഓസീസ് ഓപണിങ്ങില് ക്യാപ്റ്റന് ഉസ്മാന് ഖവാജയും ജോ ബേണ്സും അര്ധശതകങ്ങള് നേടി.
ടോസ് നേടി ബാറ്റിങ് തെരഞ്ഞെടുത്ത ദക്ഷിണാഫ്രിക്കക്കായി റീസ ഹെന്ഡ്രിക്സ്ഡീന് എല്ഗല് ഓപണിങ് ജോടി മികച്ച തുടക്കമാണ് നല്കിയത്. 14.4 ഓവറില് സ്കോര് 73ല് നില്ക്കെ എല്ഗര് (28) അഗറിന്റെ പന്തില് വീണതോടെയാണ് ഓസീസ് പിടിമുറുക്കിയത്. 43 റണ്സെടുത്ത ഓപണര് റീസ ഹെന്ഡ്രിക്സ് ആണ് ദക്ഷിണാഫ്രിക്കന് നിരയില് ടോപ്സ്കോറര്. ഹെന്ഡ്രിക്സ് ഉള്പ്പെടെയുള്ള മുന്നിരയെ ബോയ്സും അഗറും അബോട്ടും ചേര്ന്ന് തകര്ത്തു. മധ്യനിര കൗള്ട്ടര്നീലിന്റെ മുന്നില് മുട്ടുമടക്കി. ഡീന് എല്ഗര് (28) സ്കോറിങ്ങില് രണ്ടാമതത്തെിയപ്പോള് ആസ്ട്രേലിയന് ബൗളര്മാര് നല്കിയ 23 എക്സ്ട്രാ റണ്സുകളാണ് മൂന്നാമതത്തെിയത്.
ഓസീസ് ബാറ്റിങ്ങില് ഖവാജ 73 റണ്സെടുത്ത് പുറത്തായി. ബേണ്സ് 63 റണ്സുമായി ട്രവിസ് ഹെഡിനൊപ്പം (63) ജയം പൂര്ത്തിയാക്കി. പരമ്പരയിലെ രണ്ടാം മത്സരത്തില് ആഗസ്റ്റ് ഏഴിന് ഇന്ത്യയും ആസ്ട്രേലിയയും ഏറ്റുമുട്ടും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
