ആഷസ് അഭിമാന പോരാട്ടത്തില്‍ ആസ്‌ട്രേലിയയെ നാണംകെടുത്തി ഇംഗ്‌ളണ്ട്. നാലാം ടെസ്റ്റിലെ ആദ്യ ദിനത്തില്‍ ശക്തരായ മൈക്കല്‍ ക്‌ളാര്‍ക്കിന്റെ ഓസീസ് പട വെറും അറുപത് റണ്‍സിന് ഓള്‍ഔട്ടായി. ആതിഥേയരുടെ പേസര്‍ സ്റ്റുവര്‍ട്ട് ബോര്‍ഡാണ് ഓസീസിന്റെ വില്ലനായത്. പതിനഞ്ച് റണ്‍സ് മാത്രം വിട്ടുകൊടുത്ത് എട്ടു വിക്കറ്റുകള്‍ ബോര്‍ഡ് എറിഞ്ഞിട്ടു. ഓസീസ് നിരയില്‍ ക്യാപ്റ്റന്‍ ക്‌ളാര്‍ക്കും(10) മിച്ചല്‍ ജോണ്‍സനും(13) മാത്രമാണ് രണ്ടക്കം കടന്നത്. ഓപ്പണര്‍മാരായ ക്രിസ് റോജേഴ്‌സും ഡേവിഡ് വാര്‍ണറും പിന്നാലെയെത്തിയ ഷോണ്‍ മാര്‍ഷും \'പൂജ്യ\'രായി മടങ്ങുകയായിരുന്നു. സ്റ്റുവര്‍ട്ട് ബോര്‍ഡ് മിച്ചംവെച്ച വിക്കറ്റുകള്‍ മാര്‍ക്ക് വുഡും സ്റ്റീവന്‍ ഫിന്നിനുമാണ് ലഭിച്ചത്.

ആദ്യ ഇന്നിംഗ്‌സില്‍ മറുപടി ബാറ്റിംഗിനിറങ്ങിയ ഇംഗ്‌ളണ്ട് ശക്തമായ നിലയിലാണ്. ഒന്നാം കളി അവസാനിക്കുന്‌പോള്‍ നാല് വിക്കറ്റ് നഷ്ടത്തില്‍ 274 റണ്‍സെടുത്തിട്ടുണ്ട് ആതിഥേയര്‍. 214 റണ്‍സിന്റെ ലീഡാണ് ആതിഥേയര്‍ക്ക് ഇപ്പോഴുള്ളത്. 124 റണ്‍സുമായി ജോ റൂട്ടാണ് ഇംഗ്‌ളണ്ടിനെ മികച്ച സ്‌കോറിലേക്ക് നയിച്ചത്. ആഡം ലിത്ത്(14) അലിസ്‌ററര്‍ കുക്ക്(43) ഇയാന്‍ ബെല്‍(1) ജോണി ബെയര്‍സ്‌റ്റോ(75) എന്നിവരാണ് പുറത്തായ ബാറ്റ്‌സ്മാന്മാര്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha