എം എസ് ധോണി ആകെ പുലിവാല് പിടിച്ചിരിക്കുകയാണ്. കഷ്ടക്കാലത്തിന് ഭഗവാന്‍ വിഷ്ണുവായ് വേഷമിട്ടത് ആകെ തലവേദനയായി എന്ന് വേണം പറയാന്‍. പ്രശസ്ത മാഗസിന്റെ കവര്‍ പേജില്‍ മോഡലായാണ് ധോണി പ്രത്യക്ഷപ്പെട്ടത്. ഭഗവാന്‍ വിഷ്ണുവായ് വേഷമിട്ട ധോണിയുടെ കരങ്ങളില്‍ ശംഖചക്രഗദകള്‍ക്കു പകരം മൊബൈല്‍ഫോണും ലേയ്‌സും സോഫ്റ്റ്ഡ്രിങ്കുകളും ഷര്‍ട്ടും പോരാത്തതിന് ഷൂവും ധാണിയെ ഗോഡ് ഓഫ് ബിഗ് ഡീല്‍സ് എന്നാണ് മാസിക പ്രധാനമായി ചൂണ്ടിക്കാട്ടിയത്. ഹിന്ദുദൈവ വിശ്വാസത്തെ കളിയാക്കുന്നതിന് തുല്യമായാണ് ധോണിയുടെ ഈ വേഷമെന്നാണ് കോടതി വിമര്‍ശനം. കര്‍ണാടക കോടതി ധോണിയ്‌ക്കെതിരെ കേസ് ഫൈല്‍ ചെയ്തിരിക്കുകയാണ്.
എത്രയോ ജനങ്ങള്‍ അറിയുന്ന ഒരു വലിയ ക്രിക്കറ്ററില്‍ നിന്നും ഇത്തരമൊരു വില കുറഞ്ഞ വേഷം കാണാനിട വന്നതില്‍ ഖേദമുണ്ടെന്ന് കോടതി പരാമര്‍ശിച്ചു. ചെയ്യുന്ന വേഷങ്ങളെക്കുറിച്ചും അവയുണ്ടാക്കുന്ന ഭവിഷ്യത്തുക്കളെക്കുറിച്ചും നോക്കാതെ പണത്തിനു മാത്രം വില കൊടുക്കുന്നത് കൊണ്ടാണ് ഇത്തരം അബദ്ധങ്ങള്‍ പലര്‍ക്കും സംഭവിക്കുന്നതെന്നും കൊടതി പരാമര്‍ശിച്ചു. എന്നാല്‍ കാശ് വാങ്ങാതെയാണ് ദോണി ഈ വേഷമിട്ടതെന്നാണ് ധോണിയുടെ അഡ്വക്കേറ്റ് പറയുന്നത്. കാശ് മേടിച്ചില്ലെങ്കില്‍ പോലും ദൈവത്തെ കളിയാക്കുന്നതിന് തുല്യമാണ് ധോണി ചെയ്‌തെന്നും കേസുമായി മുന്നോട്ട് പോകാനാണ് കോടതിയുടെ തീരുമാനമെന്നും കോടതി പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha