ദക്ഷിണാഫ്രിക്കയ്‌ക്കെതിരായ ട്വന്റി20 പരമ്പരയിലെ രണ്ടാം മല്‍സരത്തില്‍ ന്യൂസിലാന്‍ഡിന് ജയം. 32 റണ്‍സിനാണ് കീവികള്‍ ആതിഥേയരായ ദക്ഷിണാഫ്രിക്കയെ വീഴ്ത്തിയത്. ആദ്യ മല്‍സരം ദക്ഷിണാഫ്രിക്ക ജയിച്ചതിനാല്‍ പരമ്പര സമനിലയിലായി. ന്യൂസിലാന്‍ഡ് ഉയര്‍ത്തിയ 178 റണ്‍സിന്റെ വിജയലക്ഷ്യം തേടിയിറങ്ങിയ ദക്ഷിണാഫ്രിക്കയുടെ പോരാട്ടം 20 ഓവറില്‍ എട്ടിന് 145 എന്ന നിലയില്‍ അവസാനിക്കുകയായിരുന്നു. 60 റണ്‍സെടുത്ത മാര്‍ട്ടിന്‍ ഗുപ്ടിലാണ് ന്യൂസിലാന്‍ഡിന് മികച്ച സ്‌കോര്‍ നേടിക്കൊടുക്കുന്നതില്‍ നിര്‍ണായകപങ്ക് വഹിച്ചത്. 35 പന്തില്‍ ആറു ബൗണ്ടറിയും മൂന്നു സിക്‌സറും ഉള്‍പ്പെടുന്നതായിരുന്നു ഗുപ്ടിലിന്റെ ഇന്നിംഗ്‌സ്.

രണ്ടു വിക്കറ്റ് വീതം വീഴ്ത്തിയ നഥാന്‍ മക്കല്ലം, മാര്‍ഷല്‍ മക്ഗലാഹന്‍, ഇഷ് സോഥി എന്നിവരാണ് ദക്ഷിണാഫ്രിക്കയെ ഒതുക്കിയത്. 36 റണ്‍സെടുത്ത ഫര്‍ഹാന്‍ ബഹര്‍ദീന്‍ മാത്രമാണ് ദക്ഷിണാഫ്രിക്കന്‍ നിരയില്‍ തിളങ്ങിയത്. മാര്‍ട്ടിന്‍ ഗുപ്ടിലിനാണ് മാന്‍ഓഫ്ദമാച്ച്, മാന്‍ഓഫ്ദസീരീസ് പുരസ്‌ക്കാരങ്ങള്‍ ലഭിച്ചത്‌.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha