പാർട്ടിക്ക് പോകുന്നതും യാത്രയും സിനിമയുമൊക്കെ ചിലപ്പോൾ ഒരു 21 കാരിയുടെ വിനോദങ്ങളായിരിക്കും. എന്നാൽ 21 കാരിയായ ഹണ്ടർ നെൽസണെ സംബന്ധിച്ചിടത്തോളം അവൾ 15 കാരിയുടെ രക്ഷിതാവാണ്. മകളുടെ കാര്യങ്ങൾ ഉത്തരവാദിത്വത്തോടെ ചെയ്യുന്ന അമ്മയാണ് നെൽസൺ. എന്നാൽ തന്റെ പ്രായക്കുറവ് മൂലം മകൾ പഠിക്കുന്ന സ്കൂളിലെ അധ്യാപകർ തന്റെ അഭിപ്രായങ്ങൾ ഗൗരവത്തിലെടുക്കുന്നില്ലെന്നാണ് നെൽസന്റെ പരാതി. 15 കാരിക്കൊപ്പം കാറിൽ യാത്ര ചെയ്യുന്നതിനിടെയാണ് താൻ കടന്നുപോകുന്ന പ്രശ്നങ്ങളെക്കുറിച്ച് നെൽസൺ തുറന്നു പറഞ്ഞിരിക്കുന്നത്.

എന്നെയും മകളെയും ഒന്നിച്ചു കാണുമ്പോൾ ഏത് ക്ലാസിലാണ് പഠിക്കുന്നത് എന്നാണ് മിക്കവരും തന്നോട് ചോദിക്കുന്നത്. അത് ഏറെ വിഷമിപ്പിക്കുന്നുണ്ടെന്ന് യുവതി ഒരു ടിക് ടോക്ക് വീഡിയോയിൽ പറഞ്ഞു.നെൽസൺ നടത്തിയ തുറന്നുപറച്ചിൽ സോഷ്യൽ മീഡിയ ഉപയോക്താക്കളിൽ സംശയം ജനിപ്പിച്ചു. 15 കാരി എങ്ങനെ 21 കാരിയുടെ മകളാകും എന്ന സംശയമാണ് പലർക്കും ഉണ്ടായത്. ഇതിനോട് മറ്റൊരു വീഡിയോയിൽ നെൽസൺ മറുപടി പറഞ്ഞു.

'മേഡം എന്നെ കടന്നു പിടിച്ചു, ഞാൻ വഴങ്ങിക്കൊടുത്തില്ല', ജോലി കളഞ്ഞത് പ്രതികാരമെന്ന് യുവാവ്; ഗൂഗിളിനെതിരെ ആരോപണം
"ആറാം വയസിൽ നിങ്ങൾക്ക് കുഞ്ഞ് ജനിച്ചോ?" എന്ന ചോദ്യമാണ് പലരും ഉന്നയിച്ചത്."ആറാം വയസിൽ എനിക്ക് കുഞ്ഞുണ്ടായില്ല. കുറച്ച് മാസങ്ങൾക്കു മുമ്പ് എന്റെ അർദ്ധ സഹോദരിയുടെ രക്ഷകർതൃത്വത്തിനായി ഞാൻ കോടതിയിൽ അപേക്ഷ നൽകി. അവൾ സുരക്ഷിതമായും സന്തോഷത്തോടെയും ജീവിക്കാനുള്ള ഏറ്റവും നല്ല മാർഗ്ഗം എന്നോടൊപ്പം ജീവിക്കുകയെന്നതാണ് ഞാൻ മനസിലാക്കി." നെൽസൺ പറയുന്നു.

തങ്ങളുടെ പിതാവ് 2015ൽ മരിച്ചു. നോർത്ത് കരോലീനയിൽ നിന്നുള്ള അവളുടെ അർദ്ധ സഹോദരി ഗ്രേസിക്ക് അധികം വൈകാതെ അവളുടെ മാതാവിനെയും നഷ്ടമായി- നെൽസൺ പറയുന്നു. അമ്മയുടെ മരണത്തോടെ ഗ്രേസിയുടെ നില അപകടത്തിലാണെന്ന് മനസിലാക്കിയതോടെ അവളുടെ നിയമപരമായ രക്ഷകർതൃ സ്ഥാനത്തിനായി നെൽസൺ കോടതിയിൽ അപേക്ഷ നൽകി. എന്നാൽ ഇത് കുടുംബത്തിലെ മറ്റ് ചില അംഗങ്ങൾക്ക് അത്ര രസിച്ചില്ലെന്ന് 21 കാരി പറയുന്നു.

വിനയായത് രൂപസാദൃശ്യം, 23കാരിയെ കിട്ടിയത് ഇൻസ്റ്റഗ്രാമിൽ നിന്ന്; ക്രൂരമായി കൊലപ്പെടുത്തി മൃതദേഹം ഉപേക്ഷിച്ചു; യുവതിയും കാമുകനും പിടിയിൽ
ഗ്രേസിയുടെ അമ്മയുടെ ബന്ധത്തിൽപ്പെട്ട ആളുകളിൽ നിന്നും തനിക്ക് വധഭീഷണിയുണ്ടെന്ന് നെൽസൺ പറയുന്നു. അവർ ഗ്രേസിയുടെ രക്ഷകർത്താവിന്റെ സ്ഥാനം തനിക്ക് നൽകാൻ ആഗ്രഹിക്കുന്നില്ല. ഗ്രേസിയുടെ അമ്മയുടെ ബന്ധു ഒരു അഭിഭാഷകനെ ഏർപ്പെടുത്തുകയും നെൽസൺ നൽകിയ അപേക്ഷ പരാജയപ്പെടുത്താൻ ശ്രമിക്കുകയും ചെയ്തു. എന്നാൽ കോടതി ഗ്രേസിയെ നെൽസനൊപ്പം വിടുകയായിരുന്നു. ബന്ധുവിനൊപ്പം പോകാൻ ഗ്രേസി തയ്യാറായിരുന്നില്ലെന്ന് നെൽസൺ പറയുന്നു.
അമ്മ മരിച്ചതിനു ശേഷം ഗ്രേസി വളരെ വൃത്തിഹീനമായ അവസ്ഥയിലാണ് താമസിച്ചിരുന്നതെന്ന് നെൽസൺ പറയുന്നു. ഗ്രേസിയുടെ രക്ഷകർതൃത്വം വഹിക്കുകയെന്നത് ബുദ്ധിമുട്ട് നിറഞ്ഞതാണെങ്കിലും അവളുടെ നല്ല ഭാവിക്കുവേണ്ടി അതൊക്കെ സഹിക്കാൻ തയ്യാറാണെന്ന് നെൽസൺ പറയുന്നു.