ഹോണ്ട മോട്ടോർസൈക്കിൾ ആൻഡ് സ്‌കൂട്ടർ ഇന്ത്യ (എച്ച്എംഎസ്ഐ) 2026 ഓഗസ്റ്റിൽ 5.79 ലക്ഷത്തിലധികം യൂണിറ്റ് വാഹനങ്ങൾ വിറ്റഴിച്ച് 8 ശതമാനത്തിൻ്റെ വാർഷിക വളർച്ച രേഖപ്പെടുത്തി. കഴിഞ്ഞ വർഷം ഇതേ കാലയളവിൽ 5.34 ലക്ഷം യൂണിറ്റുകളായിരുന്നു വിറ്റഴിച്ചിരുന്നത്. 2026 ഓഗസ്റ്റിലെ ആഭ്യന്തര വിൽപ്പന 8% വർധിച്ച് 5.17 ലക്ഷം യൂണിറ്റിലെത്തി. കയറ്റുമതി മേഖലയിൽ 15% വളർച്ചയോടെ 61,833 യൂണിറ്റുകൾ വിദേശത്തേക്ക് അയച്ചു. 2026 ഏപ്രിൽ മുതൽ ഓഗസ്റ്റ് വരെയുള്ള ഈ സാമ്പത്തിക വർഷത്തിലെ ഇതുവരെയുള്ള ആകെ വിൽപ്പന 27.33 ലക്ഷം യൂണിറ്റ് കടന്ന് 13% വളർച്ച രേഖപ്പെടുത്തിയിട്ടുണ്ട്. രാജ്യത്തുടനീളമുള്ള 7,000-ത്തിലധികം ടച്ച്‌പോയിന്റുകളിലൂടെ ഉപഭോക്തൃ ശൃംഖല ശക്തമാക്കി മുന്നേറുകയാണ് ഹോണ്ടയെന്ന് കമ്പനി വ്യക്തമാക്കി