സ്റ്റെർലിംഗ് ആൻഡ് വിൽസൺ റിന്യൂവബിൾ എനർജി ലിമിറ്റഡ് (എസ്ഡബ്ള്യുആർഇഎൽ) രാജസ്ഥാനിലും ദക്ഷിണാഫ്രിക്കയിലുമായി 985 കോടി രൂപയിലധികം മൂല്യമുള്ള രണ്ട് ഓർഡറുകൾ നേടി. രാജസ്ഥാനിൽ പുതിയ ഉപഭോക്താവിൽ നിന്ന് 534.3 MWp ശേഷിയുള്ള പദ്ധതിയുടെ ബാലൻസ് ഓഫ് സിസ്റ്റം (ബിഒഎസ്) പാക്കേജിനാണ് ഓർഡർ ലഭിച്ചത്. ദക്ഷിണാഫ്രിക്കയിൽ രണ്ട് ബാറ്ററി എനർജി സ്റ്റോറേജ് സിസ്റ്റം (ബിഇഎസ്എസ്) പദ്ധതികൾക്കായാണ് ഓർഡർ. ഓരോ പദ്ധതിക്കും യഥാക്രമം 308 മില്ലിവാട്ട്അവർ വീതം, ആകെ 616 മില്ലിവാട്ട്അവർ സംഭരണശേഷിയാണുള്ളത്.

ദക്ഷിണാഫ്രിക്കയിലെ പദ്ധതി എസ്ഡബ്ള്യുആർഇഎൽ ഏറ്റെടുക്കുന്ന രണ്ടാമത്തെ വലിയ യൂട്ടിലിറ്റി-സ്കെയിൽ ബാറ്ററി എനർജി സ്റ്റോറേജ് സിസ്റ്റം പദ്ധതിയാണ്. രാജസ്ഥാൻ പദ്ധതിയുടെ പ്രവർത്തനം ആരംഭിക്കുന്നതോടെ ഏകദേശം 0.80 ദശലക്ഷം ടൺ കാർബൺ ഡയോക്സൈഡ് (സിഒ₂) പുറന്തള്ളൽ കുറയ്ക്കാനാകുമെന്ന് കമ്പനി അറിയിച്ചു.

പുതിയ ഓർഡറുകൾ ആഗോള പുനരുപയോഗ ഊർജ ഇപിസി മേഖലയിലെ കമ്പനിയുടെ സാന്നിധ്യം ശക്തിപ്പെടുത്തുന്നതാണെന്നും എസ്ഡബ്ള്യുആർഇഎൽ ഗ്ലോബൽ സിഇഒ ചന്ദ്ര കിഷോർ ഠാക്കൂർ പറഞ്ഞു.