ചിങ്ങമാസത്തിൽ സ്വർണം വാങ്ങുന്നത് നല്ലതോ ?വില കുറയുന്ന അവസരം കണക്കിലെടുത്ത് സ്വർണം ഇപ്പോൾ വാങ്ങുന്നത് നല്ലതെന്ന് വ്യാപാരികൾ
ചിങ്ങമാസത്തിൽ സ്വർണം വാങ്ങാൻ പറ്റുമോ ? വിലക്കുറവിനായി കാത്തിരിക്കക്കുകയാണ് പലരും. സ്വർണം വാങ്ങാൻ ആഗ്രഹിക്കുന്നവർക്ക് സന്തോഷ വാർത്തയാണ് ചിങ്ങത്തിൽ സ്വർണ വിപണി സജീവമാകുമെന്ന കാര്യം . വിലയിൽ കാര്യമായ ഇടിവ് പ്രകടമായ ഈ സാഹചര്യത്തിൽ ആഭരണങ്ങൾ വാങ്ങാൻ മാത്രമല്ല സ്വർണത്തിൽ നിക്ഷേപിക്കാനും പറ്റിയ സമയം ആണ് എന്നതാണ് ശ്രദ്ധേയമായ കാര്യം.
സംസ്ഥാനത്തെ സ്വർണ്ണവില തീരുമാനിക്കുന്നത് രാജ്യാന്തര വിലയാണ്. വരും ദിവസങ്ങളിൽ സ്വർണ്ണ വിലയുടെ കാര്യത്തിൽ കണക്കെടുപ്പ് അസാധ്യമാണ്. വ്യാപാരികൾ പറയുന്നത് വില കുറയുന്ന അവസരം കണക്കിലെടുത്ത് സ്വർണം ഇപ്പോൾ വാങ്ങുന്നതാണ്നല്ലതെന്നാണ് . ഈ സമയത്ത് പണിക്കൂലിയിൽ ഇളവ് പോലെയുള്ള ഓണം ഓഫറുകളും, സ്വർണം മുൻകൂർ ബുക്ക് ചെയ്യുവാനുള്ള സൗകര്യവും, ജ്വല്ലറികളൊരുക്കിയിട്ടുണ്ട്.
സംസ്ഥാനത്ത് സ്വർണ വില കുത്തനെ ഇടിഞ്ഞിട്ടുണ്ട്.സ്വര്ണത്തിന് തിരിച്ചടിയാകുന്നത് ഡോളര് കരുത്താര്ജിക്കുന്നതാണ്. മാത്രമല്ല അമേരിക്കയും ഇന്ത്യയുമുൾപ്പടെയുള്ള രാജ്യങ്ങളിൽ ഓഹരി വിപണി മുന്നേറ്റം തുടരുന്നതും തിരിച്ചടി സൃഷ്ടിക്കുന്നു .
ചരിത്രത്തിലെ ഏറ്റവും ഉയർന്ന വിലയിലേക്ക് സ്വർണ്ണം എത്തിയതിന്റെ വാർഷികത്തിലാണ് ഇത് സംഭവിച്ചിരിക്കുന്നത് . കഴിഞ്ഞ വര്ഷം ഓഗസ്റ്റ് 7, 8 ,9 തീയതികളിലായിരുന്നു ചരിത്രത്തിലെ ഏറ്റവും ഉയര്ന്ന വിലയായ പവന് 42,000 രൂപയിലെത്തിയത്.
ഗ്രാമിന് 5250 രൂപയായിരുന്നു അന്ന്. ചിങ്ങം ഒന്നായ ഇന്ന് പവന് 35360 രൂപയാണ്. പവന് 6642 രൂപയുടെ കുറവാണ് ഒരു വർഷത്തിനുള്ളിൽ സംഭവിച്ചിരിക്കുന്നത് ഇന്ന് പവന് 160 രൂപ ഉയർന്നിരുന്നു.
രാജ്യാന്തര വിപണിയിലെ വില ഇടിവാണ് ആഭ്യന്തര വിപണിയിലെ സ്വർണത്തിലും ഇപ്പോൾ കാണുന്നത് . കഴിഞ്ഞ 15 ദിവസങ്ങളിലായി സ്വർണ വിലയിൽ 6% ഇടിവുണ്ടായി. വിലയിടിയുമ്പോൾ നിക്ഷേപമെന്ന നിലയിൽ സ്വർണ്ണത്തിൽ നല്ല വാങ്ങലുകളുണ്ടാകും.
ഓഹരി വിപണിയിൽ നിക്ഷേപം റിസ്ക് നിറഞ്ഞതാണ് നിക്ഷേപകർക്ക് സ്വർണ്ണ ഇടിഎഫ്, സോവറിൻ ഗോൾഡ് ബോണ്ടുകൾ തുടങ്ങിയവയിൽ നിക്ഷേപിക്കുന്ന പ്രവണതയുമേറുന്നുണ്ടെന്ന് വിദഗ്ധർ വ്യക്തമാക്കുന്നുണ്ട് .
https://www.facebook.com/Malayalivartha