മഹാത്മാഗാന്ധി സര്വകലാശാല ഏകജാലകം വഴിയുള്ള പിജി പ്രവേശനത്തിനുള്ള ഒന്നാംഘട്ട അലോട്ട്മെന്റ് പ്രസിദ്ധീകരിച്ചു
മഹാത്മാഗാന്ധി സര്വകലാശാല ഏകജാലകം വഴിയുള്ള പിജി പ്രവേശനത്തിനുള്ള ഒന്നാംഘട്ട അലോട്ട്മെന്റ് പ്രസിദ്ധീകരിച്ചു. അലോട്ട്മെന്റ് ലഭിച്ച അപേക്ഷകര് ഓണ്ലൈന് പേയ്മെൻറ് ഗേറ്റ് വഴി സര്വകലാശാല അക്കൗണ്ടില് വരേണ്ട ഫീസടച്ച് അലോട്ട്മെന്റ് മെമോയുടെ പ്രിന്റൗട്ട് എടുത്ത് ബുധനാഴ്ച വൈകിട്ട് 4.30 ന് മുൻപ് അലോട്ട്മെന്റ് ലഭിച്ച കോളേജില് യോഗ്യത തെളിയിക്കുന്ന അസ്സല് സാക്ഷ്യപത്രങ്ങള് സഹിതം ഹാജരായി പ്രവേശനത്തിനായി റിപ്പോര്ട്ട് ചെയ്യണം.
18 നകം ഫീസ് ഒടുക്കാത്തവരുടെയും ഫീസൊടുക്കിയശേഷം കോളേജില് പ്രവേശനം നേടാത്തവരുടെയും അലോട്ട്മെന്റ് റദ്ദാക്കും. തുടര്ന്നുള്ള അലോട്ട്മെന്റിലേക്ക് പരിഗണിക്കുന്നതല്ല.
താത്ക്കാലിക പ്രവേശനം നേടുന്നവര് അലോട്ട്മെന്റ് മെമോയും അസ്സല് സാക്ഷ്യപത്രങ്ങളും കോളേജുകളിലെ പരിശോധനയ്ക്ക് ശേഷം തിരിച്ചുവാങ്ങണം. ഇവര് കോളേജുകളില് പ്രത്യേകമായി ഫീസൊടുക്കേണ്ട. എന്നാല് ഓണ്ലൈനായി നിശ്ചിത സര്വകലാശാല ഫീസൊടുക്കണം.
അപേക്ഷകന് തനിക്ക് ലഭിച്ച അലോട്ട്മെന്റില് സംതൃപ്തനാണെങ്കില് തുടര് അലോട്ട്മെന്റില് പരിഗണിക്കപ്പെടാതിരിക്കാനായി അവശേഷിക്കുന്ന ഹയര് ഓപ്ഷനുകള് റദ്ദാക്കണം. ഹയര് ഓപ്ഷനുകള് റദ്ദാക്കാനുള്ള സൗകര്യം 19 വരെ ലഭ്യമാണ്. ഉയര്ന്ന ഓപ്ഷനുകള് നിലനിര്ത്തിയാല് തുടര്ന്നുള്ള അലോട്ട്മെന്റില് മാറ്റം വന്നേക്കാം. ഇപ്രകാരം മാറ്റം ലഭിക്കുന്നപക്ഷം പുതിയ അലോട്ട്മെന്റ് നിര്ബന്ധമായും സ്വീകരിക്കണം. ആദ്യം ലഭിച്ച അലോട്ട്മെന്റ് നഷ്ടപ്പെടുകയും ചെയ്യും. എന്നാല് ഇപ്രകാരം മാറ്റം ലഭിക്കുന്നവര് പുതുതായി ഫീസൊടുക്കേണ്ടതില്ല. 19 ന് ഓപ്ഷനുകള് പുനഃക്രമീകരിക്കാം.
ഹയര് ഓപ്ഷനുകള് നിലനിര്ത്തുന്ന അപേക്ഷകര്ക്ക് മൂന്നാം അലോട്ട്മെന്റ് വരെ താല്കാലികമായി പ്രവേശനം നേടാം. ഹയര് ഓപ്ഷനുകള് നിലനിര്ത്താന് ആഗ്രഹിക്കുന്ന അപേക്ഷകര് ഒഴികെയുള്ളവര് കോളേജുകളില നിശ്ചിത ട്യൂഷന് ഫീസ് ഒടുക്കി സ്ഥിരപ്രവേശനം ഉറപ്പുവരുത്തേണം.
കോളേജുകളില് പ്രവേശനത്തിനായി റിപ്പോര്ട്ട് ചെയ്യുന്നവര് പ്രവേശനത്തിനുശേഷം 'കണ്ഫര്മേഷന് സ്ലിപ്' കോളേജധികൃതരില് നിന്നും ചോദിച്ചുവാങ്ങി തങ്ങളുടെ പ്രവേശനം സംബന്ധിച്ച വിവരങ്ങള് കൃത്യമായി അപ്ലോഡ് ചെയ്തിട്ടുണ്ടെന്നുറപ്പുവരുത്തണം. വിവിധ പ്രോഗ്രാമുകളിലേക്ക് നിശ്ചയിച്ചിരിക്കുന്ന ട്യൂഷന് ഫീസ് സംബന്ധിച്ച വിവരങ്ങൾ വെബ്സൈറ്റില്.
https://www.facebook.com/Malayalivartha
