ഇ .ഐ.ടി. വിഭാഗത്തിലേക്ക് സ്പെഷ്യൽ അലോട്ട്മെന്റ്
26 JULY 2018 12:48 PM IST
മലയാളി വാര്ത്ത
നാഷണൽ ഇൻസ്റ്റിറ്റ്യൂട്ട് ഓഫ് ടെക്നൊളജി (എൻ.ഐ.ടി),ഇന്ത്യൻ ഇന്സ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി (ഐ.ഐ.ഐ.ടി.),സർക്കാർ സഹായത്താൽ പ്രവർത്തിക്കുന്ന സാങ്കേതിക സ്ഥാപനങ്ങൾ (ജി.എഫ്.ടി.എ.) എന്നിവിടങ്ങളിൽ ജോയിന്റ് സീറ്റ് ആലോക്കേഷൻ അതോറിറ്റി (JoSAA) നടത്തിയ ഏഴ് അലോട്ട്മെന്റിനുശേഷം വന്ന ഒഴിവുകൾ സെൻട്രൽ സീറ്റ് അലോക്കേഷൻ ബോർഡ്(സി.എസ്.എ. ബി.)പ്രത്യേക റൗണ്ടുകൾവഴി നികത്തും.
ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നൊളജിയിൽ (ഐ.ഐ.ടി.) ഒഴിവുകൾ ഇതിൽ ഉൾപ്പെടില്ല.
2018 ലെ ജെ.ഇ. ഇ. (മെയിൻ) റാങ്ക് പ്രകാരം 'JoSAA' അലോട്ട്മെന്റിൽ പങ്കെടുക്കാൻ അർഹതയുണ്ടായിരുന്നവർക്ക് സ്പെഷ്യൽ റൗണ്ടുകളിലും പങ്കെടുക്കാം. നേരത്തേ 'JoSAA' രജിസ്ട്രേഷൻ നടത്തിയിട്ടില്ലാത്തവർ, പങ്കെടുത്തു സീറ്റ് ലഭിക്കാത്തവർ എന്നിവർക്കും രജിസ്റ്റർ ചെയ്യാം.
ഏഴാം റൗണ്ടിനുശേഷം സ്ഥാപനത്തിൽ പ്രവേശനം നേടി സ്പെഷ്യൽ റൗണ്ടിൽ പങ്കെടുക്കാൻ താത്പര്യം പ്രകടിപ്പിക്കാത്തവർക്ക് ഇതിൽ പങ്കെടുക്കാനാവില്ല.
വിശേഷാൾറൗണ്ടിൽ പങ്കെടുക്കാൻ താത്പര്യമുള്ളവർക്ക് രജിസ്ട്രേഷൻ, പങ്കെടുക്കൽ ഫീസ് അടയ്ക്കൽ, ചോയ്സ് നൽകൽ എന്നിവ http://csab.nic.in എന്ന വെബ്സൈറ്റ് വഴി ജൂലൈ 24 നു രാവിലെ എട്ടുമുതൽ ജൂലൈ 26 നു രാത്രി 11.59 വരെ നടത്താം.നേരത്തെ നടത്തിയ 'JoSAA' രജിസ്ട്രേഷൻ ഇപ്പോൾ സാധുവല്ല.
സ്ഥാപനത്തിൽ റിപ്പോർട്ട് ചെയ്തവരൊഴികെയുള്ളവർക്ക് അവരുടെ വ്യക്തിഗത വിവരങ്ങൾ ഈ ഘട്ടത്തിൽ നവീകരിക്കാം.
അപ്ലോഡ് ചെയ്യേണ്ട രേഖകളുടെ പട്ടിക വെബ്സൈറ്റിലുള്ള 'ബിസിനസ് റൂൾസ്' ലിങ്കിലെ പുസ്തകത്തിലുണ്ട്. തുടർന്ന് പങ്കെടുക്കാൻ ഫീസ് അടയ്ക്കണം.ഇതിന്റെ വിശദാംശങ്ങളും ലഘു പുസ്തകത്തിലുണ്ട്.
JoSAA ഏഴാം റൗണ്ടിൽ ഐ.ഐ.ടിയിൽ സീറ്റ് അലോട്ട്മെന്റ് ഉള്ളവർക്കും ഈ പ്രത്യേക റൗണ്ടിൽ പങ്കെടുക്കാം.പക്ഷെ,നേരത്തെ അടച്ച സീറ്റ് സ്വീകരിക്കൽ ഫീസോ സ്ഥാപന ഫീസോ വിശേഷാൽ റൌണ്ട് പങ്കെടുക്കൽ ഫീസിൽ ക്രമീകരിക്കുന്നതല്ല.
വിശേഷാൽ റൗണ്ടിലെ ആദ്യ അലോട്ട്മെന്റ ജൂലൈ 27 നു വൈകിട്ട് അഞ്ചിന് പ്രസിദ്ധപ്പെടുത്തും.
ഇതിന്റെ അടിസ്ഥാനത്തിൽ തുടർ നടപടി സ്വീകരിക്കാൻ ജൂലൈ 28 മുതൽ 30 വരെ രാവിലെ 10 നും വൈകിട്ട് 5 നും ഇടയ്ക്ക് സൗകര്യമുണ്ടായിരിക്കും.
രണ്ടാം സ്പെഷ്യൽ അലോട്ട്മെന്റ് ജൂലൈ 31 ന് വൈകിട്ട് 5 ന് പ്രസിദ്ധപ്പെടുത്തും.സ്ഥാപനത്തിൽ നേരിട്ടു ചെന്ന് പ്രവേശനം നേടാൻ ഓഗസ്റ്റ് 1 മുതൽ മൂന്നുവരെ രാവിലെ 10 നും വൈകിട്ട് 5 നും ഇടയ്ക്ക് സൗകര്യമുണ്ടായിരിക്കും.
വിവരങ്ങൾക്ക്:.
https://csab.nic.in
