ബെംഗളൂരുവിലെ ഇന്ത്യന്‍ പ്ലൈവുഡ് ഇന്‍ഡസ്ട്രീസ് റിസര്‍ച്ച് ആന്‍ഡ് ട്രെയിനിങ് ഇന്‍സ്റ്റിറ്റ്യൂട്ടില്‍ വുഡ് എൻജിനീയറിങ് കോഴ്‌സുകളിലേക്ക് അപേക്ഷ ക്ഷണിച്ചിരിക്കുന്നു.

പ്ലൈവുഡ് ഉള്‍പ്പെടെ തടി ഉത്പന്ന വ്യവസായ മേഖലയ്ക്കാവശ്യമായ സാങ്കേതിക വിദ്യാഭ്യാസത്തിന് ബെംഗളൂരുവിലെ ഇന്ത്യന്‍ പ്ലൈവുഡ് ഇന്‍ഡസ്ട്രീസ് റിസര്‍ച്ച് ആന്‍ഡ്ട്രെയിനിങ് ഇന്‍സ്റ്റിറ്റ്യൂട്ടില്‍ മികച്ച അവസരം. നവംബറിലാരംഭിക്കുന്ന പോസ്റ്റ് ഗ്രാജ്വേറ്റ് ഡിപ്ലോമ കോഴ്സ് ഇന്‍ വുഡ് ആന്‍ഡ് പാനല്‍ പ്രോഡക്ട്സ് ടെക്നോളജി പ്രവേശനത്തിന് ഇപ്പോള്‍ മുതൽ അപേക്ഷിക്കാവുന്നതാണ്.

ഒരു വര്‍ഷകോഴ്‌സാണ്. 30 പേര്‍ക്കാണ് പ്രവേശനം ഉണ്ടായിരിക്കുക. വുഡ് പ്രോസസ്സിങ് ടെക്നോളജി, സോമില്ലിങ് ടെക്നോളജി, വുഡ് എന്‍ജിനീയറിങ്, ക്വാളിറ്റി മാനേജ്മെന്റ്, പ്ലൈവുഡ് ഫൈബര്‍ ബോര്‍ഡ്, ബ്ലോക്ക് ബോര്‍ഡ്, ഫ്‌ളഷ് ഡോര്‍ മാനുഫാക്ചറിങ് ടെക്നോളജി തുടങ്ങിയവ പഠിക്കാവുന്നതാണ്. കാമ്പസ് റിക്രൂട്ട്മെന്റിലൂടെ പ്ലൈവുഡ് ഇന്‍ഡസ്ട്രീസിലും മറ്റും തൊഴില്‍ സാധ്യത ഏറെയാണ്.

യോഗ്യത: കെമിസ്ട്രി, ഫിസിക്‌സ്, മാത്തമാറ്റിക്‌സ്, ഫോറസ്ട്രി, അഗ്രികള്‍ച്ചര്‍ വിഷയങ്ങളിലൊന്നില്‍ ബി.എസ്സി. അല്ലെങ്കില്‍ എന്‍ജിനീയറിങ് (ബി.ഇ/ ബി.ടെക്) പ്രായം 01.11.2018-ല്‍ 28 വയസ്സായിരിക്കണം.സ്‌പോണ്‍സേര്‍ഡ് വിഭാഗത്തില്‍പ്പെടുന്നവര്‍ക്ക് പ്രായപരിധി ഉണ്ടായിരിക്കുന്നതല്ല.

അപേക്ഷാഫോമും വിശദവിവരങ്ങളുമടങ്ങിയ പ്രോസ്പെക്ടസും www.ipirti.gov.in ല്‍ നിന്ന് ഡൗണ്‍ലോഡ് ചെയ്യാം. പൂരിപ്പിച്ച അപേക്ഷ ബന്ധപ്പെട്ട രേഖകളുടെ ഫോട്ടോകോപ്പികള്‍, അപേക്ഷാഫീസായി ഡയറക്ടര്‍, കജകഞഠക ബെംഗളൂരുവില്‍ മാറ്റാവുന്ന 250 രൂപയുടെ ഡിമാന്‍ഡ് ഡ്രാഫ്റ്റ് എന്നിവ സഹിതം 2018 ഓഗസ്റ്റ് 30-നകം ലഭിക്കത്തക്കവണ്ണം ദി ഡയറക്ടര്‍, ഇന്ത്യന്‍ പ്ലൈവുഡ് ഇന്‍ഡസ്ട്രീസ് റിസര്‍ച്ച് ആന്‍ഡ് ട്രെയിനിങ് ഇന്‍സ്റ്റിറ്റ്യൂട്ട്, യശ്വന്ത്പുര്‍ പി.ഒ ബെംഗളൂരു 560022 എന്ന വിലാസത്തില്‍ അയച്ചുതരിക.

അഡ്മിഷന്‍ ലഭിക്കുന്ന ആണ്‍കുട്ടികള്‍ക്ക് മിതമായ നിരക്കില്‍ ഹോസ്റ്റല്‍, മെസ് സൗകര്യം ലഭ്യമാകും. കോഴ്സ് ഫീസായി 60,000 രൂപ വേണ്ടിവരും. ഫീസ് നിരക്കില്‍ മാറ്റം വന്നുകൂടെന്നില്ല.

കൂടുതല്‍ വിവരങ്ങള്‍ www.ipirti.gov.in ല്‍ ലഭിക്കുന്നതായിരിക്കും.