More Stories...

യു.ജി.സി നെറ്റ് 2019 പരീക്ഷാ ഫലം പ്രസിദ്ധീകരിച്ചു....ജൂനിയര്‍ റിസര്‍ച്ച് ഫെലോഷിപ്പ് നേടിയ പരീക്ഷാര്‍ത്ഥികള്‍ക്ക് തങ്ങളുടെ ബിരുദാനന്തര ബിരുദ വിഷയത്തിലോ അനുബന്ധ വിഷയത്തിലോ ഗവേഷണം ആരംഭിക്കുകയോ അസിസ്റ്റന്‍റ് പ്രൊഫസര്‍ തസ്തികയില്‍ പ്രവേശനം നേടുകയോ ചെയ്യാം

ഏഴിമല ഇന്ത്യന്‍ നേവല്‍ അക്കാദമിയിലേക്ക് 10+2 കേഡറ്റ് (ബി.ടെക്ക്) എന്‍ട്രി സ്‌കീമിലേക്ക് ഇപ്പോൾ അപേക്ഷ സമര്‍പ്പിക്കാം .. ആകെ 37 സീറ്റുകൾ ... ഫിസിക്‌സ്, കെമിസ്ട്രി, മാത്തമാറ്റിക്‌സ് വിഷയങ്ങളില്‍ മികച്ച മാര്‍ക്കോടെ പ്ലസ്ടു പാസായ അവിവാഹിതരായ ആണ്‍കുട്ടികള്‍ക്ക് മാത്രം അവസരം

മാറനല്ലൂർ ക്രൈസ്റ്റ് നഗർ കോളേജിൽ ഇഗ്നോ കോഴ്‌സുകൾ ആരംഭിച്ചു, പ്രവേശന രീതികൾ ഇങ്ങനെ

ഇന്ത്യൻ ആർമിയുടെ ബിഎസ്‌സി നേഴ്‌സിങ്‌ കോഴ്‌സിലേക്ക്‌ പ്ലസ്‌ ടു ജയിച്ച പെൺകുട്ടികളിൽനിന്ന്‌ അപേക്ഷ ക്ഷണിച്ചു

സിവിൽ സർവീസിലേക്കും കെൽട്രോണിലേക്കും ഈ മാസം അപേക്ഷിക്കാം

അര ലക്ഷം രൂപ ഫെലോഷിപ്പ് ലഭിക്കുന്ന RHCFI സ്കോളർഷിപ്പ് ആണ് നിലവിലുള്ള ഏറ്റവും വലിയ തുക ലഭിക്കുന്ന സ്കോളർഷിപ്പ്. ഇപ്പോൾ പത്താംതരം പഠിച്ചു കൊണ്ടിരിക്കുന്ന മിടുക്കരായ മുസ്ലിം വിദ്യാർത്ഥികൾക്കു മാത്രമാണ് ഈ സ്‌കോളർഷിപ്പ് നൽകുന്നത്

ദേശീയ , അന്തർദേശീയ തലത്തിൽ മികവിന്റെ കേന്ദ്രങ്ങളായി അംഗീകരിക്കപ്പെട്ട സർവ്വകലാശാലകളിൽ ഉന്നത പഠനം നടത്താനുള്ള പരിശീലനം നേടുന്നതിന് വേണ്ടിയാണ് ഈ സ്‌കോളർഷിപ്പ്. അർഹരായ മുസ്‌ലിം വിദ്യാർത്ഥികളെ കണ്ടെത്തുന്നതിന് സെലക്ഷൻ പരീക്ഷ ഉണ്ട്.

ഇതിനായി റാസി ഹ്യൂമൺ കെയർ ഫൗണ്ടേഷന്റെ ഔദ്യോഗിക വെബ്സൈറ്റിലൂടെ ഓൺലൈനായി 2018 ഡിസംബർ 10-നു മുമ്പായി അപേക്ഷിക്കണം,

2018 ഡിസംബർ 23 ഞായറാഴ്‌ച നടക്കുന്ന റാസി ഫെല്ലോഷിപ് ആപ്റ്റിട്യൂട് ടെസ്റ്റിന് എല്ലാ ജില്ലകളിലും പരീക്ഷാ കേന്ദ്രങ്ങൾ ഉണ്ടായിരിക്കും. ചോദ്യങ്ങൾ ഇംഗ്ലീഷിൽ ആയിരിക്കും.

യോഗ്യത നേടുന്ന വിദ്യാർത്ഥികളിൽ നിന്ന് അഭിമുഖം നടത്തി അർഹരായ മികച്ച 50 പേർക്കാണ് ഫെല്ലോഷിപ്പ് നൽകും.

+1, +2 പഠനകാലത്ത് എല്ലാ മാസവും 2000 രൂപ വീതം ഓരോ വർഷവും 25000 രൂപ എന്ന കണക്കിൽ രണ്ട് വർഷം കൂടി ആകെ അമ്പതിനായിരം രൂപ സ്കോളർഷിപ്പായി ലഭിക്കും. 2019-21 അധ്യയന വർഷം സംസ്ഥാനത്തെ ഏതെങ്കിലും സ്കൂളിൽ +1,+2 പഠിക്കുന്ന വിദ്യാർത്ഥികൾക്ക് മാത്രമേ സ്‌കോളർഷിപ്പ് കിട്ടുകയുള്ളു .

സെലക്ഷൻ പരീക്ഷയിൽ (റാസി ഫെല്ലോഷിപ്പ് ആപ്റ്റിട്യൂട് ടെസ്റ്റ് ) 80% നു മുകളിൽ സ്കോർ ചെയ്യുന്നവർക്കായിരിക്കും അര ലക്ഷം രൂപ ഫെലോഷിപ്പ് ലഭിക്കുന്നത്.

90% മുകളിൽ സ്കോർ ചെയ്തവരിൽ നിന്നും ഏറ്റവും മികച്ച ആദ്യ 10 പേർക്ക് 2019 ജൂണിൽ ലോകപ്രശസ്ത ബഹിരാകാശ ഗവേഷണ കേന്ദ്രമായ അമേരിക്കയിലെ NASA സന്ദർശിക്കാനും NASA-യുടെ ഫ്ലോറിഡയിലെ കെന്നഡി സ്പേസ് സെന്ററിൽ ഒരാഴ്ച നീണ്ടു നിൽക്കുന്ന വർക്ഷോപ്പിൽ പങ്കെടുക്കാനും അവസരം ലഭിക്കും.ഇതിനാവശ്യമായ മുഴുവൻ സാമ്പത്തിക ചിലവും ഫൗണ്ടേഷൻ വഹിക്കും.

ശാസ്ത്രകുതുകികളായ സമർത്ഥരായ വിദ്യാർത്ഥികൾക്ക് ലഭിക്കുന്ന ഏറ്റവും നല്ല അവസരമാണിത്. . NASA Workshop – ന് യോഗ്യത നേടുന്ന വിദ്യാർത്ഥികളുടെ സ്കൂളുകൾക്ക് Special Excellence അവാർഡും ഫൗണ്ടേഷൻ ഏർപ്പെടുത്തിയിട്ടുണ്ട്.

സെലക്ഷൻ പരീക്ഷയിൽ 60% നു മുകളിൽ സ്കോർ ചെയ്യുന്ന ഓരോ ജില്ലയിലേയും ആദ്യത്തെ 200 പേർക്ക് അതത് ജില്ലയിൽ നടക്കുന്ന ഏകദിന സെമിനാറിൽ പങ്കെടുക്കാം. ലോകത്തെ മികച്ച സർവകലാശാലകൾ നൽകുന്ന പ്രധാന സ്കോളർഷിപ്പുകളെ കുറിച്ചും ഉന്നത പഠനാവസരങ്ങളെ കുറിച്ചും വിശദമായി പ്രതിപാദിക്കുന്ന ഈ സെമിനാറിന് വിദഗ്ധർ നേതൃത്വം നൽകും.

ജില്ലാതല സെമിനാറിൽ നിന്ന് തെരെഞ്ഞെടുക്കുന്ന ഏറ്റവും മികച്ച 200 പേർക്ക് (സംസ്ഥാനത്ത് നിന്ന് ആകെ 200 ) രണ്ട് ദിവസത്തെ റെസിഡൻഷ്യൽ നാഷണൽ വർക്ക്ഷോപ്പിൽ പങ്കെടുക്കാം. ശാസ്ത്രജ്ഞരുമായും മറ്റു വിവിധ മേഖലകളിലെ വിദഗ്ധരുമായും വിദ്യാർത്ഥികൾക്ക് സംവദിക്കാൻ അവസരമൊരുക്കും.

ഗൾഫ് ഉൾപ്പെടെയുള്ള വിദേശ രാജ്യങ്ങളിൽ പഠിച്ചു കൊണ്ടിരിക്കുന്ന മലയാളികളായ പത്താം ക്ലാസ് വിദ്യാർത്ഥികൾക്ക് ഓൺലൈനായി പരീക്ഷ എഴുതാനുള്ള സൗകര്യമുണ്ട് .

ഫെലോഷിപ്പും സെലക്ഷൻ ടെസ്റ്റിനുള്ള അപേക്ഷയും സംബന്ധിച്ച വിശദ വിവരങ്ങൾ RHCFI യുടെ വെബ്സൈറ്റിൽ     http://rhcfi.org/fellowship.html  ലഭ്യമാണ്.