ജവഹർ നവോദയ വിദ്യാലയയിൽ ആറ് ,ഒൻപതു ക്ളാസ്സുകളിലേക്ക് ഇപ്പോൾ അപേക്ഷിക്കാം
ജവഹർ നവോദയ വിദ്യാലയ (ജെ.എൻ.വി.) ങ്ങളിൽ 2019 ലെ ആറാം ക്ലാസ് പ്രവേശനത്തിന് അപേക്ഷിക്കാം. 2006 മേയ് ഒന്നിനും 2010 ഏപ്രിൽ 30-നും ഇടയിൽ ജനിച്ച കുട്ടികളിൽ നിന്നാണ് അപേക്ഷ സ്വീകരിക്കുന്നത് . പട്ടിക വിഭാഗക്കാർക്കും പ്രായപരിധി ബാധകമാണ്.
പ്രവേശനം തേടുന്ന ജില്ലയിൽ, 2018-’19 അധ്യയന വർഷത്തിൽ, പൂർണമായും സർക്കാർ /സർക്കാർ എയ്ഡഡ്/ സർക്കാർ അംഗീകൃത സ്കൂളുകളിൽ, അല്ലെങ്കിൽ എൻ.ഐ.ഒ.എസിന്റെ, ബി സർട്ടിഫിക്കറ്റ് കോംപീറ്റൻസി കോഴ്സിൽ അഞ്ചാം ക്ലാസിൽ പഠിക്കണം. ഒരിക്കൽ പ്രവേശന പരീക്ഷ എഴുതിയവർക്ക് വീണ്ടും പരീക്ഷ എഴുതാൻ അർഹതയില്ല.
പരീക്ഷയിൽ പാസ്സായി അഡ്മിഷൻ എടുക്കുന്നവർക്ക് താമസം, ഭക്ഷണം, യൂണിഫോം, ടെക്സ്റ്റ് ബുക്ക് എന്നിവ സൗജന്യമാണ്. ഏപ്രിൽ ആറിന് നടത്തുന്ന ജെ.എൻ.വി. സെലക്ഷൻ ടെസ്റ്റിന്റെ അടിസ്ഥാനത്തിലാണ് പ്രവേശനം. മെന്റൽ എബിലിറ്റി ടെസ്റ്റ് (40 ചോദ്യങ്ങൾ, 50 മാർക്ക്), അരിത മെറ്റിക് ടെസ്റ്റ് (20 ചോദ്യങ്ങൾ, 25 മാർക്ക് ), ലാംഗ്വേജ് ടെസ്റ്റ് (20 ചോദ്യങ്ങൾ, 25 മാർക്ക്) എന്നിവ ഉൾപ്പെടുന്നതാണ് പരീക്ഷ. ഓരോ ജില്ലയിലെയും വിദ്യാലയത്തിൽ 75 ശതമാനം സീറ്റുകൾ ആ ജില്ലയിലെ ഗ്രാമീണ മേഖലകളിലെ വിദ്യാർഥികൾക്കായി സംവരണം ചെയ്തിട്ടുണ്ട്.
അവസാന തീയതി നവംബർ 30 വരെ
വിവരങ്ങൾക്ക്
ഒൻപതാം ക്ലാസിലെ ഒഴിവുള്ള സീറ്റുകളിലേക്ക്
ജവഹർ നവോദയ വിദ്യാലയങ്ങളിൽ ഒൻപതാം ക്ലാസിലെ ഒഴിവുള്ള സീറ്റിലേക്ക് ഇപ്പോൾ അപേക്ഷിക്കാം. ഫെബ്രുവരി രണ്ടിന് ആയിരിക്കും പ്രവേശനപരീക്ഷ . പരീക്ഷയ്ക്ക് മാത്തമാറ്റിക്സ് (35 ചോദ്യങ്ങൾ), ജനറൽ സയൻസ് (35), ഇംഗ്ലീഷ് (15), ഹിന്ദി (15) എന്നീ മേഖലകളിൽ നിന്നും ഒബ്ജക്റ്റീവ് മാതൃകയിലുള്ള ചോദ്യങ്ങൾ ആയിരിക്കും .
അപേക്ഷകർ, 2018-’19 അധ്യയന വർഷത്തിൽ പ്രവേശനം തേടുന്ന ജവാഹർ നവോദയ വിദ്യാലയം സ്ഥിതി ചെയ്യുന്ന ജില്ലയിൽ, സർക്കാർ/സർക്കാർ അംഗീകാരമുള്ള സ്ഥാപനത്തിൽ എട്ടാം ക്ലാസിൽ പഠിക്കണം. പ്രവേശനത്തിനുമുമ്പ് എട്ടിലെ പരീക്ഷ ജയിച്ചിരിക്കണം.
അപേക്ഷ നവംബർ 30 വരെ
https://www.facebook.com/Malayalivartha