എഐഐഎംഎസ് , എംബിബിഎസ്, നേഴ്സിങ്, പ്രവേശനപരീക്ഷ രജിസ്ട്രേഷൻ തുടങ്ങി
ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് അടുത്ത അധ്യയനവർഷത്തെ എംബിബിഎസ്, ബിഎസ്സി നേഴ്സിങ്, ബിഎസ്സി പാരാമെഡിക്കൽ കോഴ്സുകളിലേക്കുള്ള പ്രവേശനപരീക്ഷക്ക് ഓൺലൈൻ രജിസ്ട്രേഷൻ രണ്ടുഘട്ടങ്ങളിലായി നടക്കും . ആദ്യഘട്ട രജിസ്ട്രേഷൻ തുടങ്ങി
www.aiimsexams.org എന്ന വെബ്സൈറ്റിൽ രജിസ്ട്രേഷൻ ചെയ്യാവുന്നതാണ്
ആദ്യഘട്ടത്തിൽ പ്രാഥമികവിവരങ്ങളും ഫോട്ടോയും അപ്ലോഡു ചെയ്യണം. രജിസ്ട്രേഷൻ പൂർണമായാൽ കൊടുത്തിരിക്കുന്ന അഡ്രസ്സിൽ വിവരം അറിയിക്കും. . ആദ്യഘട്ട രജിസ്ട്രേഷൻ കൃത്യമായി നടത്തിയവർക്ക് മാത്രമേ രണ്ടാംഘട്ട രജിസ്ട്രേഷന് അവസരം ഉണ്ടായിരിക്കുകയുള്ളൂ .
പ്ലസ്ടുവിന് ഇംഗ്ലീഷ്, ഫിസിക്സ്, കെമിസ്ട്രി, ബയോളജി വിഷയങ്ങൾ പഠിച്ച് പ്ലസ്ടു പാസായവർക്കും/അവസാനവർഷ പരീക്ഷ ഈ വർഷം എഴുതുന്നവർക്കും രജിസ്ട്രേഷൻ ചെയ്യാവുന്നതാണ്. . ഈ വിഷയങ്ങൾക്ക് മൊത്തം 60 ശതമാനം മാർക്കോടെ പാസാകുന്നവർക്കാണ് പ്രവേശനത്തിന് അർഹത. എസ്സി/എസ്ടിക്ക് 50 ശതമാനം മാർക്കും ഭിന്നശേഷി വിഭാഗത്തിന് 45 ശതമാനം മാർ്ക്കും മതി.
ബിഎസ്സി നേഴ്സിങ്, പാരാമെഡിക്കൽ കോഴ്സുകൾക്ക് അപേക്ഷിക്കുന്നവർ പ്ലസ്ടുവിന് ഇംഗ്ലീഷ്, ഫിസിക്സ്, കെമിസ്ട്രി, ബയോളജി വിഷയങ്ങൾക്ക് മൊത്തം 50ശതമാനം മാർക്കോടെ പാസായിരിക്കണം. . എസ്സി/എസ്ടിക്ക്45 ശതമാനം മാർക്ക് മതിയാകും
2019 ജനുവരി മൂന്നുവരെയാണ് ആദ്യഘട്ട രജിസ്ട്രേഷന് അവസരം. രജിസ്ട്രേഷൻ സ്വീകാര്യമായോ എന്ന് ജനുവരി ഏഴിന് അറിയാം. എട്ടുമുതൽ 18വരെ തിരുത്തലുകൾക്ക് അവസരം ഉണ്ടായിരിക്കും. . 22ന് രജിസ്ട്രേഷൻ ആയതായി അറിയിക്കും. ജനുവരി 29ന് പ്രോസ്പെക്ടസ് വെബ്സൈറ്റിൽ പ്രസിദ്ധീകരിക്കും. 29മുതൽ ഫെബ്രുവരി 17വരെ ജനറൽ രജിസ്ട്രേഷൻ കോഡ് വെബ്സൈറ്റിൽ നിന്നെടുക്കാം. രണ്ടാംഘട്ട രജിസ്ട്രേഷൻ 2019 ഫെബ്രുവരി 21ന് തുടങ്ങും. മാർച്ച് 12വരെ ജനറൽ രജിസ്ട്രേഷൻ കോഡ് ഉപയോഗിച്ച് ഫീസടയ്ക്കാനും കൂടുതൽ വിവരങ്ങൾ അപ്ലോഡ് ചെയ്യാനും സൗകര്യമുണ്ടാകും.
മെയ് 25, 26 തീയതികളിലാണ് പ്രവേശനപരീക്ഷ.
https://www.facebook.com/Malayalivartha
