നാഷണല്‍ ടെസ്റ്റിങ് ഏജന്‍സി (N.T.A.)2019-20 അധ്യയന വര്‍ഷത്തെ പ്രവേശനത്തിനുള്ള ജോയന്റ് എന്‍ട്രന്‍സ് എക്‌സാമിനേഷന്‍ (ജെ.ഇ.ഇ.) മെയിന്‍ വർഷത്തിൽ രണ്ടുതവണ ആയാണ് നടത്തുന്നത്. ആദ്യപരീക്ഷ ജനുവരി എട്ടിന് തുടങ്ങുകയാണ്. ആദ്യ ഘട്ട പരീക്ഷയ്ക്ക് അപേക്ഷിക്കാൻ കഴിയാത്തവർക്ക് രണ്ടാമത്തെ പരീക്ഷയ്ക്കുള്ള രജിസ്ട്രേഷന്‍ 2019 ഫെബ്രുവരിയില്‍ നടത്താം.

രണ്ടു ഷിഫ്റ്റുകളിലായാണ് ആദ്യഘട്ട ജെ.ഇ.ഇ പരീക്ഷ നടത്തുന്നത് . ആദ്യ ഷിഫ്റ്റ് 9:30-12:30 pm വരെയും രണ്ടാമത്തെ ഷിഫ്റ്റ്2:30-5:30 pm വരെയും ആയിരിക്കും. എന്നാൽ രണ്ടാം ഘട്ട ജെ ഇ ഇ പരീക്ഷക്ക് ഒരു ഷിഫ്റ്റ് മാത്രമേ ഉണ്ടായിരിക്കുകയുള്ളൂ .നിങ്ങൾ നൽകിയ നാല് പരീക്ഷാസെന്ററുകളിൽ നിന്ന് NTA അലോട്ട് ചെയ്യുന്ന പരീക്ഷാകേന്ദ്രത്തിലായിരിക്കും പരീക്ഷ.

ഫെബ്രുവരി എട്ടുമുതല്‍ മാര്‍ച്ച് ഏഴുവരെ അപേക്ഷ നല്‍കാന്‍ സമയമുണ്ടാകും. പരീക്ഷ 2019 ഏപ്രില്‍ ആറിനും 20-നും ഇടയ്ക്ക് നടത്തുമെന്നാണ് പ്രതീക്ഷിക്കുന്നത്. തീയതികളെല്ലാം താത്കാലികമാണ്. ആദ്യത്തെ ജെ.ഇ.ഇ. മെയിനിന് അപേക്ഷിച്ചവര്‍ക്കും അപേക്ഷിക്കാത്തവര്‍ക്കും താത്പര്യമുള്ള പക്ഷം രണ്ടാമത്തെ ജെ.ഇ.ഇ. മെയിനിന് അപേക്ഷിക്കാം.
ആദ്യ ഘട്ട പരീക്ഷ അഭിമുഖീകരിച്ചവർ കൊടുത്താൽ മെച്ചപ്പെട്ട സ്കോറിനായി രണ്ടാം ഘട്ട പരീക്ഷക്കിരിക്കാം. അതിൽ ഏതിലാണോ ഭേദപ്പെട്ട സ്‌കോർ ലഭിച്ചത് അതിന്റെ അടിസ്ഥാനത്തിലായിരായിരിക്കും റാങ്ക് തീരുമാനിക്കുന്നത്.

ജെ.ഇ.ഇ. മെയിന്‍ പരീക്ഷ, രജിസ്ട്രേഷന്‍ തുടങ്ങിയവാ സംബന്ധിച്ച കൂടുതൽ വിവരങ്ങള്‍ക്ക്: www.jeemain.nic.in, www.nta.ac.in എന്ന വെബ്സൈറ്റ് സന്ദർശിക്കാം