സിവിൽ സർവീസിലേക്കും കെൽട്രോണിലേക്കും ഈ മാസം അപേക്ഷിക്കാം
സിവിൽ സര്‍വീസ് പരീക്ഷകള്‍ക്കായുള്ള പരിശീലനത്തിന് അപേക്ഷ ക്ഷണിച്ചു. സുമേധ സിവില്‍ സര്‍വീസ് അക്കാദമി ഇന്ത്യന്‍ സിവില്‍ സര്‍വീസ്, കേരള അഡ്മിനിസ്ട്രേറ്റീവ് എന്നിവയിലേക്കാണ് അപേക്ഷിക്കേണ്ടുന്നത്. അപേക്ഷ സ്വീകരിക്കുന്ന അവസാന തീയതി ആഗസ്റ്റ് 28. ഈ വര്ഷം സെപ്റ്റംബറില്‍ ക്ലാസുകള്‍ തുടങ്ങും. റെഗുലര്‍ ബാച്ചും, വീക്കെന്‍ഡ് ബാച്ചും എന്നിങ്ങനെ രണ്ട് ബാച്ചുകളിലേക്കാണ് പ്രവേശനം നടക്കുക. റെഗുലര്‍ ബാച്ചില്‍ അപേക്ഷിക്കുന്നവർ ഡിഗ്രി യോഗ്യത ഉള്ളവരായിരിക്കണം. വീക്കെന്‍സ് ബാച്ചിലേക്ക് ബിരുദ-ബിരുദാനന്തര കോഴ്‌സ് ചെയ്യുന്നവരോ ഡിഗ്രി യോഗ്യതയുള്ളവർക്കോ അപേക്ഷിക്കാം. അഭിമുഖത്തിൻറെയും എഴുത്തു പരീക്ഷയുടെയും അടിസ്ഥാനത്തിലാണ് പ്രവേശനം ലഭിക്കുന്നത്. ഇവയിലൂടെ തെരഞ്ഞെടുക്കപ്പെടുന്നവര്‍ക്ക് സിവില്‍ സര്‍വീസ് പരിശീലനത്തിന് അവസരം ലഭിക്കുന്നതാണ്. എഴുത്തുപരീക്ഷ സെപ്റ്റംബര്‍ ഒന്നിന് രാവിലെ 9.30 ന് പെരിഞ്ഞനം ഗവ. യുപി സ്‌കൂളില്‍ വച്ചാണ് നടക്കുന്നത്.മുന്‍കൂട്ടി പേര് രജിസ്റ്റര്‍ ചെയ്യുന്നവർക്കാണ് പരീക്ഷയില്‍ പങ്കെടുക്കാന്‍ അവസരം. അപേക്ഷാഫോം പെരിഞ്ഞനം ഗവ. യുപി സ്‌ക്കൂളില്‍ പ്രവര്‍ത്തിക്കുന്ന മതിലകം ബിആര്‍സി ഓഫീസില്‍ നിന്ന് കിട്ടുന്നതാണ്. ഓണ്‍ലൈനായി വേണം അപേക്ഷിക്കേണ്ടുന്നത്. വെബ്സൈറ്റ് : www.sumedhakaipamangalam.blogspot.in കൂടുതൽ വിവരങ്ങൾക്ക് 9496347528, 9745377785 എന്ന നമ്പറിൽ ബന്ധപ്പെടുക.
കെല്‍ട്രോണിൽ അപേക്ഷിക്കാം
കെല്‍ട്രോണ്‍ നടത്തുന്ന കമ്പ്യൂട്ടർ ഹാര്‍ഡ്‌വെയര്‍ ആന്റ് നെറ്റ്‌വര്‍ക്ക് മെയിന്റെനന്‍സ് വിത്ത് ഇ-ഗാഡ്ജറ്റ് ടെക്‌നോളജി കോഴ്‌സിന്റെ 2019-2020 ബാച്ചിലേക്ക് അപേക്ഷ ക്ഷണിച്ചു. അപേക്ഷ സമര്‍പ്പിക്കേണ്ട അവസാന തീയതി ഓഗസ്റ്റ് 30. അപേക്ഷകർക്ക് പ്ലസ് ടു, ഐറ്റിഐ, ഡിപ്ലോമ, ബി.ടെക്ക് യോഗ്യത ആവശ്യമാണ്. പ്രായപരിധി ഇല്ല. കമ്പ്യൂട്ടർ ഇലക്‌ട്രോണിക്‌സ്, ഹാര്‍ഡ്‌വെയര്‍, നെറ്റ്‌വര്‍ക്ക്, ലാപ്‌ടോപ് റിപെയര്‍, ഐ.ഒ.റ്റി, സി.സി.റ്റി.വി ക്യാമറ ആന്റ് മൊബൈല്‍ ടെക്‌നോളജി എന്നീ മേഖലകളിലാണ് പരിശീലനം നല്‍കുന്നത്. വിദ്യാഭ്യാസ യോഗ്യത തെളിയിക്കുന്ന രേഖകളുമായി തിരുവനന്തപുരം കെല്‍ട്രോണ്‍ നോളഡ്ജ് സെന്ററില്‍ നേരിട്ട് എത്തി അപേക്ഷ സമര്‍പ്പിക്കാവുന്നതാണ്.വെബ്‌സൈറ്റിലുംഅപേക്ഷ ഫോം കിട്ടും. അതിനായി ksg.keltron.in എന്ന വെബ്സൈറ്റ് സന്ദർശിക്കുക. കൂടുതൽ വിവരങ്ങള്‍ക്ക് :0471-2325154/4016555 എന്ന ഫോണ്‍ നമ്പറിലേക്ക് വിളിക്കാം. അല്ലെങ്കിൽ കെല്‍ട്രോണ്‍ നോളജ്‌സെന്റര്‍, രണ്ടാം നില, ചെമ്ബിക്കലം ബില്‍ഡിംഗ്, ബേക്കറി-വിമന്‍സ് കോളേജ്‌റോഡ്, വഴുതയ്ക്കാട്.പി.ഒ. തിരുവനന്തപുരം എന്ന വിലാസത്തിലും ബന്ധപ്പെടാവുന്നതാണ്.
ടെലിവിഷന്‍ ജേര്‍ണലിസം
കെല്‍ട്രോണ്‍ ടെലിവിഷന്‍ ജേര്‍ണലിസം കോഴ്‌സിനും അപേക്ഷ ക്ഷണിച്ചി രിക്കുന്നു. ബിരുദമാണ് അപേക്ഷിക്കുന്നവർക്ക് വേണ്ട യോഗ്യത. അവസാന വര്‍ഷ ഡിഗ്രി ഫലം കാത്തിരിക്കുന്നവര്‍ക്കും അപേക്ഷിക്കാവുന്നതാണ്. പ്രായപരിധി 30 വയസ്സ്. പഠന സമയത്ത് നിബന്ധനകളുടെ അടിസ്ഥാനത്തിൽ പ്രിന്‍റ് ജേര്‍ണലിസം, ഓണ്‍ലൈന്‍ ജേര്‍ണലിസം, മൊബൈല്‍ ജേര്‍ണലിസം മാധ്യമ സ്ഥാപനങ്ങളില്‍ പരിശീലനം, ഇന്റേണ്‍ഷിപ്, പ്ലേസ്‌മെന്‍റ് സഹായം എന്നിവയിൽ പരിശീലനം ലഭിക്കും. വിദ്യാഭ്യാസ യോഗ്യത തെളിയിക്കുന്ന രേഖകളുമായി തിരുവനന്തപുരം കെല്‍ട്രോണ്‍ നോളജ് സെന്ററില്‍ നേരിട്ടെത്തി അപേക്ഷ സമര്‍പ്പിക്കാവുന്നതാണ്. www.ksg.keltron.in എന്ന വെബ്‌സൈറ്റിലും അപേക്ഷാ ഫോം കിട്ടുന്നതാണ്. സെപ്റ്റംബര്‍ 30 വരെ അപേക്ഷിക്കാവുന്നതാണ്. കൂടുതൽ വിവരങ്ങൾക്ക് 8137969292 എന്ന ഫോണ്‍ നമ്പറിൽ വിളിക്കാവുന്നതാണ്.
https://www.facebook.com/Malayalivartha
