ഇന്ത്യൻ ആർമിയുടെ ബിഎസ്‌സി നേഴ്‌സിങ്‌ കോഴ്‌സിലേക്ക്‌ പ്ലസ്‌ ടു ജയിച്ച പെൺകുട്ടികളിൽനിന്ന്‌ അപേക്ഷ ക്ഷണിച്ചു
ഇന്ത്യൻ ആർമിയുടെ ബിഎസ്‌സി നേഴ്‌സിങ്‌ കോഴ്‌സിലേക്ക്‌ പ്ലസ്‌ ടു ജയിച്ച പെൺകുട്ടികളിൽനിന്ന്‌ അപേക്ഷ ക്ഷണിച്ചു. അവിവാഹിതരായിരിക്കണം. സേനയുടെ പൂനെ , കൊൽക്കത്ത, മുംബൈ, ലക്‌നൗ, ന്യൂഡൽഹി, ബംഗളുരു എന്നിവിടങ്ങളിലെ നേഴ്‌സിങ്‌ കോളേജുകളിലെ നാല് വർഷ ബിഎസ്‌സി നേഴ്‌സിങ്‌ കോഴ്‌സുകളിൽ 220 സീറ്റുണ്ട്‌. ഡിസംബർ രണ്ടുവരെ ഓൺലൈനായി joinindianarmy.nic.in വെബ്‌സൈറ്റിൽ അപേക്ഷിക്കാം.
അപേക്ഷാ ഫീസായി 750 രൂപയും ഓൺലൈനായി അടയ്‌ക്കണം. അഡ്‌മിറ്റ്‌ കാർഡ്‌ 2020 മാർച്ച്‌ മൂന്നാംവാരം ലഭിക്കും. പരീക്ഷ ഏപ്രിലിലാണ്‌. അഭിമുഖം മേയിൽ നടക്കും. ശാരീരിക ക്ഷമതാപരിശോധനയും ഉണ്ട്‌.
എഴുത്തുപരീക്ഷയുടെയും അഭിമുഖത്തിന്റെയും ശാരീരികയോഗ്യതാ പരിശോധനയുടെയും അടിസ്ഥാനത്തിലാണ് തിരഞ്ഞെടുപ്പ് നടക്കുക. എഴുത്തുപരീക്ഷയിലും അഭിമുഖത്തിലും ലഭിച്ച മാർക്കിന്റെ അടിസ്ഥാനത്തിൽ തയ്യാറാക്കുന്ന പട്ടികയിൽനിന്ന് മെറിറ്റിന്റെ അടിസ്ഥാനത്തിലാകും സേനയ്ക്കുകീഴിലെ വിവിധ നഴ്‌സിങ് സ്‌കൂളുകളിലോ കോളേജുകളിലോ പ്രവേശനം നൽകുന്നത്
പ്ലസ്‌ ടുവിന് ഭൗതികശാസ്ത്രം, രസതന്ത്രം, ജീവശാസ്ത്രം എന്നിവയും ഇലക്ടീവ് സബ്ജക്ടായി ഇംഗ്ലീഷും വിഷയങ്ങളായി പഠിച്ചിരിക്കണം. കുറഞ്ഞത് 50 ശതമാനം മാർക്കോടെ ആദ്യഅവസരത്തിൽത്തന്നെ ജയിച്ചിരിക്കുന്ന് റെഗുലർ പഠനക്കാർ ആയിരിക്കണം ഉദ്യോഗാർത്ഥികൾ.
കൂടാതെ അവസാനവർഷക്കാർക്കും പരീക്ഷയെഴുതി ഫലം കാക്കുന്നവർക്കും അപേക്ഷിക്കാം. എന്നാൽ ഇവർ കോഴ്‌സ് തുടങ്ങുന്നതിനുമുമ്പ് തങ്ങളുടെ സർട്ടിഫിക്കറ്റ് ഹാജരാക്കേണ്ടതാണ്. ഉദ്യോഗാർത്ഥികൾക്ക് ഒന്നിലേറെ ഭാഷകളിലുള്ള പരിജ്ഞാനം അഭികാമ്യം
ഒബ്ജക്ടീവ് രീതിയിലുള്ളതാവും എഴുത്തുപരീക്ഷ. ഒന്നരമണിക്കൂർ ദൈർഘ്യം. ജനറൽ ഇംഗ്ലീഷ്, ഭൗതികശാസ്ത്രം, രസതന്ത്രം, ജീവശാസ്ത്രം, ജനറൽ ഇന്റലിജൻസ് എന്നിവയിൽനിന്നുള്ള ചോദ്യങ്ങൾ ഉണ്ടാവും.
ഹയർസെക്കൻഡറി നിലവാരത്തിലുള്ള പരീക്ഷയാണിത്. ഇംഗ്ലീഷ്‌വിഭാഗത്തിൽ പദസമ്പത്ത്, വാക്യഘടന, പ്രയോഗങ്ങൾ, എതിർപദങ്ങൾ, വ്യാകരണം തുടങ്ങിയവയൊക്കെ ഉണ്ടാകാം. ശാസ്ത്രവിഭാഗത്തിൽ ഹയർസെക്കൻഡറി നിലവാരത്തിലുള്ള ചോദ്യങ്ങളാണുണ്ടാവുക. മറ്റ് സിലബസ്സുകളിൽ പഠിച്ചവർ സി.ബി.എസ്.ഇ. (CBSE) പാഠപുസ്തകങ്ങൾ നോക്കാൻ ശ്രദ്ധിക്കുക. മെഡിക്കൽ എൻട്രൻസ് റാങ്ക് ഫയലുകളെയും ആശ്രയിക്കാം
കോഴ്‌സിൽ ചേർന്നാൽ നിശ്‌ചിത കാലയളവിൽ സേനയുടെ ഭാഗമായി ജോലി ചെയ്യാമെന്ന ഉറപ്പ്‌ നൽകണം. 1995 ഒക്ടോബർ ഒന്നിനും 2003 സെപ്‌തംബർ 30നും ഇടയിൽ ജനിച്ചവരാകണം അപേക്ഷകർ.
ഫിസിക്‌സ്‌, ബയോളജി, കെമിസ്‌ട്രി, ഇംഗ്ലീഷ് വിഷയങ്ങൾക്ക്‌ 50 ശതമാനം മാർക്കോടെ പ്ലസ്‌ ടു ആദ്യപരിശ്രമത്തിൽതന്നെ ജയിച്ചവരാകണം. ഒന്നരമണിക്കൂറിന്റെ കംപ്യൂട്ടർ അധിഷ്‌ഠിത (സിബിടി) പരീക്ഷയിൽ ജനറൽ ഇംഗ്ലീഷ്, ബയോളജി, ഫിസിക്‌സ്‌,കെമിസ്‌ട്രി, പൊതുവിജ്‌ഞാനം എന്നിവയെ അടിസ്ഥാനമാക്കിയായിരിക്കും ചോദ്യങ്ങൾ. വിശദവിവരങ്ങൾക്കും അപേക്ഷ സമർപ്പിക്കാനും http://joinindianarmy.nic.in വെബ്‌സൈറ്റ്‌ കാണുക.
ഇന്ത്യൻ സൈന്യത്തിന്റെ അവശ്യവിഭാഗങ്ങളിലൊന്നാണ് മിലിട്ടറി നഴ്‌സിങ് സർവീസ് അഥവാ എം.എൻ.എസ്. 1881-ൽ ബ്രിട്ടീഷുകാരുടെ കാലത്താണ് ഇന്ത്യയിൽ എം.എൻ.എസ്. രൂപംകൊണ്ടത്. ബ്രിട്ടീഷ് ഇന്ത്യൻ ആർമിയിൽ, ഇന്ത്യൻ ആർമി നേഴ്സിംഗ് സർവീസ് എന്ന പേരിലാണ് ഈ വിഭാഗത്തിനു തുടക്കമിട്ടത്. ഒന്നാം ലോകമഹായുദ്ധത്തിനുശേഷം 1926-ലാണ് നഴ്‌സിങ് ഇന്ത്യൻസേനയുടെ സ്ഥിരം സർവീസായത്
https://www.facebook.com/Malayalivartha
