ഏഴിമല ഇന്ത്യന് നേവല് അക്കാദമിയിലേക്ക് 10+2 കേഡറ്റ് (ബി.ടെക്ക്) എന്ട്രി സ്കീമിലേക്ക് ഇപ്പോൾ അപേക്ഷ സമര്പ്പിക്കാം .. ആകെ 37 സീറ്റുകൾ ... ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങളില് മികച്ച മാര്ക്കോടെ പ്ലസ്ടു പാസായ അവിവാഹിതരായ ആണ്കുട്ടികള്ക്ക് മാത്രം അവസരം
ഏഴിമല ഇന്ത്യന് നേവല് അക്കാദമിയിലേക്ക് 10+2 കേഡറ്റ് (ബി.ടെക്ക്) എന്ട്രി സ്കീമിലേക്ക് അപേക്ഷ സമര്പ്പിക്കാം . ആകെ 37 സീറ്റുകളാണുള്ളത്. ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങളില് മികച്ച മാര്ക്കോടെ പ്ലസ്ടു പാസായ അവിവാഹിതരായ ആണ്കുട്ടികള്ക്ക് മാത്രം അപേക്ഷിക്കാം
www.joinindiannavy.gov.in എന്ന വെബ്സൈറ്റിലൂടെ ആണ് അപേക്ഷിക്കേണ്ടത്.. ഓണ്ലൈനില് അപേക്ഷ സ്വീകരിക്കുന്ന അവസാന തീയതി: ഡിസംബര് 19
തിരഞ്ഞെടുക്കപ്പെടുന്നവർക്ക് നാലുവർഷത്തെ ബി. ടെക്ക് കോഴ്സിന് പ്രവേശനം ലഭിക്കും. അപ്ലൈഡ് ഇലക്ട്രോണിക്സ് ആൻഡ് കമ്യൂണിക്കേഷൻ, മെക്കാനിക്കൽ എൻജിനീയറിങ്, ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനീയറിങ് ബ്രാഞ്ചുകളിൽ ഏതെങ്കിലുമൊന്ന് തിരഞ്ഞെടുക്കാനുള്ള അവസരമുണ്ട് . നാലുവർഷത്തെ കോഴ്സ് വിജയകരമായി പൂർത്തിയാക്കുന്നവർക്ക് ജവാഹർലാൽ നെഹ്റു സർവകലാശാല (ജെ.എൻ.യു.) യുടെ ബി.ടെക്ക് ബിരുദവും 83,448 രൂപ ശമ്പളസ്കെയിലിൽ നേവിയിൽ സബ് ലെഫ്റ്റനന്റ് പദവിയും ലഭിക്കും. കമാൻഡർ പദവി വരെ ഉയരാവുന്ന തസ്തികയാണിത്.
അപേക്ഷിക്കാനുള്ള യോഗ്യത: ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങളിൽ 70 ശതമാനം മാർക്കോടെ പ്ലസ്ടു പാസായിരിക്കണം . എസ്.എസ്.എൽ.സി. തലത്തിലോ പ്ലസ്ടു തലത്തിലോ ഇംഗ്ലീഷിന് മിനിമം 50 ശതമാനം മാർക്ക് നേടിയിരിക്കണം . അപേക്ഷകർ 2019 ജെ.ഇ.ഇ. (മെയിൻ) പരീക്ഷ എഴുതിയിരിക്കണം. ജെ.ഇ.ഇ. (മെയിൻ) അഖിലേന്ത്യാ റാങ്കിന്റെ അടിസ്ഥാനത്തിലായിരിക്കും തിരഞ്ഞെടുപ്പ്.
പ്രായം:02-01-2001-നും 01-07-2008-നും ഇടയിൽ (രണ്ട് തീയതികളും ഉൾപ്പെടെ) ജനിച്ചവർ മാത്രം അപേക്ഷിച്ചാൽ മതി.
ശാരീരികയോഗ്യത:ഉയരം: 157 സെ.മീ. പ്രായത്തിനനുസരിച്ച തൂക്കം. മികച്ച കാഴ്ചശക്തി. വർണാന്ധത, നിശാന്ധത എന്നിവ പാടില്ല.
2020 ഫെബ്രുവരി-ഏപ്രിൽ മാസങ്ങളിൽ നടക്കുന്ന മനഃശാസ്ത്രപരീക്ഷ, ഗ്രൂപ്പ് ടെസ്റ്റ്, അഭിമുഖം, വൈദ്യപരിശോധന എന്നിവയുടെ അടിസ്ഥാനത്തിലായിരിക്കും നിയമനം. കൊൽക്കത്ത, ബെംഗളൂരു, ഭോപാൽ, കോയമ്പത്തൂർ, വിശാഖപട്ടണം നഗരങ്ങളിൽവെച്ചാണ് പരീക്ഷ നടക്കുക. ഒന്നിൽ കൂടുതൽ അപേക്ഷകൾ അയയ്ക്കരുത്. 2020 ജൂലായിലാണ് പരിശീലനം ആരംഭിക്കുക.
അപേക്ഷിക്കേണ്ട വിധം:www.joinindiannavy.gov.inഎന്ന വെബ്സൈറ്റിലൂടെ നവംബർ 29 മുതൽ ഓൺലൈനായാണ് അപേക്ഷിക്കേണ്ടത്. വെബ്സൈറ്റിൽ പ്രവേശിക്കുന്നതിന് മുൻപായി 10 കെ.ബി.യിൽ കുറവ് വലുപ്പമുള്ള പാസ്പോർട്ട് സൈസ് ഫോട്ടോ സ്കാൻ ചെയ്ത് കംപ്യൂട്ടറിൽ സൂക്ഷിച്ചിരിക്കണം.
അപേക്ഷാഫോറത്തിന്റെ നിർദിഷ്ട കോളത്തിൽ ഈ ഫോട്ടോ അപ്ലോഡ് ചെയ്യണം. എസ്.എസ്.എൽ.സി., പ്ലസ്ടു സർട്ടിഫിക്കറ്റുകൾ, മാർക്ക് ലിസ്റ്റുകൾ, ജെ.ഇ.ഇ. (മെയിൻ) സ്കോർകാർഡ് എന്നിവയും പി.ഡി.എഫ്. രൂപത്തിലാക്കി ഓൺലൈൻ അപേക്ഷയ്ക്കൊപ്പം അപ്ലോഡ് ചെയ്യണം. പൂരിപ്പിച്ച അപേക്ഷാഫോറത്തിന്റ പ്രിന്റൗട്ട് എടുത്ത് സൂക്ഷിക്കണം. അഭിമുഖത്തിന് ക്ഷണിക്കപ്പെട്ടാൽ ഇത് ഹാജരാക്കേണ്ടിവരും.
ഓൺലൈനിൽ അപേക്ഷ സ്വീകരിക്കുന്ന അവസാന തീയതി: ഡിസംബർ 19
https://www.facebook.com/Malayalivartha