യുഎസിൽ ഉപരിപഠനത്തിനാഗ്രഹിക്കുന്നവർക്ക് ഇതാ സന്തോഷവാർത്ത. യുഎസിൽ ഉപരിപഠനത്തിനും ഗവേഷണത്തിനുമുള്ള ഏറ്റവും മികച്ച അവസരമാണ് ഇപ്പോൾ ഉള്ളത് ...ഫുൾബ്രൈറ്റ് ഫെലോഷിപ്പിലൂടെ നിങ്ങൾക്ക് ഈ അവസരം സ്വന്തമാക്കാം

 1950ൽ  ആണ് ഫുൾബ്രൈറ്റ്– നെഹ്റു ഫെലോഷിപ്പിന് തുടക്കമിട്ടത് .. ഫെലോഷിപ്പിന്റെ 70–ാം വർഷം കൂടിയാണിത്.   യുഎസ്– ഇന്ത്യ എജ്യുക്കേഷനൽ ഫൗണ്ടേഷന്റെ (USIEF) ആഭിമുഖ്യത്തിൽ ഇന്ത്യയ്ക്കും യുഎസിനുമിടയിലെ ഏറ്റവും വലിയ വിദ്യാഭ്യാസ സഹകരണ പദ്ധതിയാണ് ഫുൾബ്രൈറ്റ് ഫെലോഷിപ്പ്

2021 - 22 വർഷം നൂറോളം ഫെലോഷിപ്പുകൾ ഇന്ത്യക്കാർക്കു മാത്രമായി നീക്കിവച്ചിട്ടുണ്ട്. ഇവിടെനിന്ന് അങ്ങോട്ടു മാത്രമല്ല, യുഎസിൽനിന്നുള്ള വിദ്യാർഥികളും പ്രഫഷനലുകളും ഇന്ത്യൻ സർവകലാശാലകളിലുമെത്തുന്നുണ്ട് . ഇന്ത്യയിലെയും യുഎസിലെയും 11,128 പേർ ഇതിന്റെ ഗുണഭോക്താക്കളായിക്കഴിഞ്ഞു.  

 ഫുൾബ്രൈറ്റ്–നെഹ്‌റു ഫെലോഷിപ്പുകളിൽ ഏറ്റവും പ്രധാനമായത്  മാസ്റ്റേഴ്സ് ഫെലോഷിപ് ആണ്
ഫെലോഷിപ്പിന് അപേക്ഷിക്കാനുള്ള സമയം 2020 മേയ് 15 വരെ ആണ്

യോഗ്യത: 55 % മാർക്കോടെ നാലു വർഷ ബാച്‌ലർ ബിരുദം / മൂന്നു വർഷ ബിരുദത്തിനു പുറമേ മാസ്റ്റേഴ്സ്, അല്ലെങ്കിൽ പിജി ഡിപ്ലോമ ഉണ്ടായിരിക്കണം . മൂന്നു വർഷം ശമ്പളത്തോടെയുള്ള ജോലിപരിചയവും ആവശ്യമാണ്


 ഫെലോഷിപ്പിന് തിരഞ്ഞെടുക്കാവുന്ന വിഷയങ്ങൾ ഇവയാണ്  
ആർട് &കൾചർ മാനേജ്മെന്റ്

ഇക്കണോമിക്സ്

എൻവയൺമന്റൽ സയൻസ് / സ്റ്റഡീസ്

ഹയർ എജ്യുക്കേഷൻ അഡ്മിനിസ്ട്രേഷൻ

ഇന്റർനാഷനൽ അഫയേഴ്സ്

ഇന്റർനാഷനൽ ലീഗൽ സ്റ്റഡീസ്

പബ്ലിക് അഡ്മിനിസ്ട്രേഷൻ

പബ്ലിക് ഹെൽത്ത്

അർബൻ&റീജനൽ പ്ലാനിങ്

വിമൻസ് സ്റ്റഡീസ് / ജെൻഡർ സ്റ്റഡീസ് എന്നിവക്ക് പുറമെ ഇനി പറയുന്ന ഫെലോഷിപ്പുകൾക്കും അപേക്ഷിക്കാം

മറ്റു ഫെലോഷിപ്പുകൾ
ഡോക്ടറൽ റിസർച് ഫെലോഷിപ്: യുഎസിൽ 6–9 മാസം. ഇന്ത്യയിൽ പിഎച്ച്ഡിക്ക് 2019 സെപ്റ്റംബർ ഒന്നിന് റജിസ്റ്റർ ചെയ്തിരിക്കണം.  ഈ ഫെലോഷിപ്പിന് ജൂലൈ 15 വരെ അപേക്ഷിക്കാം

പോസ്റ്റ്–ഡോക്ടറൽ റിസർച് ഫെലോഷിപ്: 2016 ജൂലൈ 16– 2020 ജൂലൈ 15 കാലത്തു പിഎച്ച്ഡി/ ഡിഎം  നേടിയവർക്ക്. യുഎസിൽ 8–24 മാസത്തേക്ക് ആണ് കാലാവധി . അപേക്ഷ: ജൂലൈ 15 വരെ

അക്കാദമിക്പ്രഫഷനൽ എക്സലൻസ് ഫെലോഷിപ്: അധ്യാപകർക്കും ഗവേഷകർക്കും അപേക്ഷിക്കാവുന്നതാണ് . യു എസിൽ  4–6 മാസം പഠിപ്പിക്കാനും ഗവേഷണം നടത്താനും കഴിയും . അപേക്ഷ: ജൂലൈ 15 വരെ

ഇന്റർനാഷനൽ എജ്യുക്കേഷൻ അ‍ഡ്മിനിസ്ട്രേറ്റേഴ്’സ് സെമിനാർ: 2021 ഒക്ടോബറിൽ രണ്ടാഴ്ച യുഎസിൽ അഡ്മിനിസ്ട്രേറ്റർമാർക്ക് മാത്രം . അപേക്ഷ: ഒക്ടോബർ 15 വരെ
ഹ്യൂബർട് എച്ച്. ഹംഫ്രി ഫെലോഷിപ്: കരിയർമധ്യത്തിലുള്ള പ്രഫഷനലുകൾക്ക് 10 മാസത്തേക്ക് ഹ്യൂബർട് എച്ച്. ഹംഫ്രി ഫെലോഷിപിന് അപേക്ഷിക്കാം

അപേക്ഷ: മേയ് 15 വരെ

ഇവയ്ക്കു പുറമേ ഇന്ത്യൻ സർവകലാശാലകൾക്കും ഉന്നതവിദ്യാഭ്യാസ സ്ഥാപനങ്ങൾക്കും യൂഎസ് അക്കാദമിക വിദഗ്ധരെ ക്ഷണിച്ചുവരുത്തി 2–6 ആഴ്ച വൈദഗ്ധ്യം കൈമാറിക്കിട്ടുന്നതിനും, യുഎസ് സ്ഥാപനങ്ങളുമായി ബന്ധം  സ്ഥാപിക്കുന്നതിനും ഫുൾബ്രൈറ്റ്–നെഹ്റു സ്പെഷലിസ്റ്റ് പ്രോഗ്രാമുമുണ്ട്. അപേക്ഷ: ഏപ്രിൽ 15 വരെ
വിശദവിവരങ്ങൾക്കും സംശയപരിഹാരത്തിനും

USIEF Chennai Regional Office, Chennai

ഫോൺ: 044-2857 4275

ഇ–മെയിൽ: usiefchennai@usief.org.in

വെബ്സൈറ്റ്: www.usief.org.in