ഇന്ത്യന്‍ വ്യോമസേനയില്‍ പെര്‍മനന്റ്/ഷോര്‍ട്ട് സര്‍വീസ് കമ്മിഷന്‍ ഒഴിവുകൾ
ഇന്ത്യന്‍ വ്യോമസേനയില്‍ പെര്‍മനന്റ്/ഷോര്‍ട്ട് സര്‍വീസ് കമ്മിഷന്‍ നിയമനങ്ങളിലേക്ക് അപേക്ഷ ക്ഷണിച്ചു. ഫ്‌ളൈയിങ്, മെറ്ററോളജി ബ്രാഞ്ചില്‍ ആണ് ഒഴിവുകൾ. ഫ്‌ളയിങ് ബ്രാഞ്ചിലേക്ക് എന്‍.സി.സി. എയര്‍ വിങ് സീനിയര്‍ ഡിവിഷന്‍ 'സി' സര്‍ട്ടിഫിക്കറ്റ് നേടിയവര്‍ക്ക് മാത്രമേ അപേക്ഷിക്കാനാവൂ.
ഫ്‌ളയിങ് ബ്രാഞ്ചിലേക്ക് തിരഞ്ഞെടുക്കപ്പെടുന്നവര്‍ക്ക് 74 ആഴ്ചയും മെറ്ററോളജി ബ്രാഞ്ചിലേക്ക് തിരഞ്ഞെടുക്കപ്പെടുന്നവര്‍ക്ക് 52 ആഴ്ചയും നീളുന്ന പരിശീലന കോഴ്സുണ്ട്. കോഴ്സ് വിജയകരമായി പൂര്‍ത്തിയാക്കുന്നവര്‍ക്ക് ഓഫീസര്‍ തസ്തികയില്‍ പെര്‍മനന്റ്/ഷോര്‍ട്ട് സര്‍വീസ് കമ്മിഷന്‍ നിയമനം ലഭിക്കും.
ഫ്‌ളൈയിങ് ബ്രാഞ്ച് യോഗ്യത:
ഏതെങ്കിലും വിഷയത്തില്‍ 60 ശതമാനത്തില്‍ കുറയാത്ത ബിരുദം അല്ലെങ്കില്‍ 60 ശതമാനത്തില്‍ കുറയാത്ത ബി.ഇ./ബി.ടെക്. യോഗ്യത. പ്ലസ് ടു തലത്തില്‍ മാത്തമാറ്റിക്സ്, ഫിസിക്സ് എന്നിവ പഠിച്ചിരിക്കണം. എന്‍.സി.സി. എയര്‍ വിങ് സീനിയര്‍ ഡിവിഷന്‍ 'സി' സര്‍ട്ടിഫിക്കറ്റ് യോഗ്യതയുള്ളവര്‍ മാത്രം അപേക്ഷിച്ചാല്‍ മതി. 2018 ജൂലായ് 1 അനുസരിച്ചാണ് പ്രായം കണക്കാക്കുന്നത്. 1994 ജൂലായ് 2-നും 1998 ജൂലായ് 1-നും ഇടയില്‍ ജനിച്ചവരാകണം അപേക്ഷകര്‍.
ശാരീരിക യോഗ്യത:
കുറഞ്ഞ ഉയരം- 162.5 സെ.മീ. കാലിന്റെ നീളം- കുറഞ്ഞത് 99 സെ.മീ. കൂടിയത്- 120 സെ.മീ. തുടയുടെ നീളം-കൂടിയത് 64 സെ.മീ. ഇരിക്കുമ്പോള്‍ നീളം- കുറഞ്ഞത് 81.5 സെ.മീ. കൂടിയത് 96 സെ.മീ. കാഴ്ച- 6/6, 6/9.
മെറ്ററോളജി ബ്രാഞ്ചിലേക്ക് യോഗ്യത:
സയന്‍സ്/മാത്തമാറ്റിക്സ്/സ്റ്റാറ്റിസ്റ്റിക്സ്/ജ്യോഗ്രഫി/ കംപ്യൂട്ടര്‍ ആപ്ലിക്കേഷന്‍സ്/എന്‍വയോണ്‍മെന്റല്‍ സയന്‍സ്/അപ്ലൈഡ്ഫിസിക്സ്/ഓഷ്യനോഗ്രഫി/മെറ്ററോളജി/അഗ്രിക്കള്‍ച്ചറല്‍ മെറ്ററോളജി/ഇക്കോളജി ആന്‍ഡ് എന്‍വയോണ്‍മെന്റ്/ജിയോ-ഫിസിക്സ്/എന്‍വയോണ്‍മെന്റല്‍ ബയോളജി എന്നീ ശാസ്ത്രവിഷയങ്ങളില്‍ ഏതിലെങ്കിലും 50 ശതമാനം മാര്‍ക്കോടെ ബിരുദാനന്തരബിരുദം. അപേക്ഷകര്‍ ബിരുദതലത്തില്‍ ഫിസിക്സും മാത്തമാറ്റിക്സും പഠിച്ച് 55 ശതമാനത്തില്‍ കുറയാതെ മാര്‍ക്ക് നേടിയിരിക്കണം. ബാക്ക്ലോഗ് ഇല്ലാതെ 50 ശതമാനത്തില്‍ കുറയാത്ത മാര്‍ക്ക് നേടിയ അവസാന സെമസ്റ്റര്‍ പി.ജി. വിദ്യാര്‍ഥികള്‍ക്കും അപേക്ഷിക്കാം. 02.07.1992-നും 01.07.1998-നും ഇടയില്‍ ജനിച്ചവര്‍ അപേക്ഷിച്ചാല്‍ മതി.
ശാരീരികയോഗ്യത:
ഉയരം പുരുഷന്‍മാര്‍ക്ക്-157.5 സെ.മീറ്റര്‍, സ്ത്രീകള്‍ക്ക് 152 സെ.മീറ്റര്‍. ഉയരത്തിന് ആനുപാതികമായ തൂക്കം
മനഃശാസ്ത്രപരീക്ഷ, ഗ്രൂപ്പ്ടെസ്റ്റ്, അഭിമുഖം, വൈദ്യപരിശോധന എന്നിവയുടെ അടിസ്ഥാനത്തിലായിരിക്കും നിയമനം നടത്തുക.
ഓണ്‍ലൈന്‍ അപേക്ഷയ്ക്കും കൂടുതല്‍ വിവരങ്ങള്‍ക്കും: http://careerairforce.nic.in/
https://www.facebook.com/Malayalivartha
