പഠനത്തോടൊപ്പം തൊഴില് നൈപുണ്യവും നേടാം
വിദ്യാര്ഥികള്ക്ക് പഠനത്തോടൊപ്പം തന്നെ ഒരു തൊഴിൽ കൂടി പഠിച്ചെടുക്കാൻ കഴിയുക എന്നത് ഒരു വലിയ കാര്യമാണ്. വിദേശ രാജ്യങ്ങളിലെ വിദ്യാഭ്യാസ രീതി തന്നെ അത്തരത്തിൽ ആണ്. ഇതിന്റെ ഗുണം എന്നുപറയുന്നത് വിദ്യാഭ്യാസം കഴിഞ്ഞു പുറത്തിറങ്ങുമ്പോൾ ഒരു തൊഴിലും സ്വായത്തമാക്കിയിട്ടുണ്ടാകും എന്നതാണ്. അത്തരത്തിൽ തൊഴില് നൈപുണ്യംനേടാനുള്ള ഒരു സംരംഭമാണ് 'അസാപ്' (അഡീഷണല് സ്കില് അക്യുസിഷന് പ്രോഗ്രാം). ഉന്നത, പൊതുവിദ്യാഭ്യാസ വകുപ്പുകളുടെ സംയുക്ത സംരംഭമാണിത്.
വിവിധ വ്യവസായമേഖലകളിലുള്ള തൊഴില് സംബന്ധമായ കോഴ്സുകളാണ് അസാപ് വിദ്യാർത്ഥികൾക്ക് നല്കുന്നത്. ആപ്റ്റിറ്റിയൂഡ് ടെസ്റ്റ് വഴിയാണ് ഓരോ കുട്ടിയുടെയും അഭിരുചി കണ്ടെത്തുന്നത്. വിദ്യാർത്ഥികൾക്ക് കഴിവ് തെളിയിക്കാൻ പറ്റുന്ന മേഖലകൾ കണ്ടെത്തി അവരെ പരിശീലിപ്പിക്കുകയാണ് ചെയ്യുന്നത്. പഠനത്തിനുശേഷം തൊഴില് വേണമെന്നുള്ളവര്ക്ക് അതിനുള്ള സഹായവും നല്കും.
ആധുനിക സൗകര്യങ്ങളുള്ള കംപ്യൂട്ടര് ലാബുകളോടുകൂടിയ പ്രാക്ടിക്കല് പഠനവും, വ്യവസായമേഖലയിലെ വിദഗ്ധ പരിശീലകരുടെ ക്ലാസുകളും അസാപിന്റെ സവിശേഷതയാണ്. മാത്രവുമല്ല തൊഴിൽ നൈപുണ്യം നേടിയ വിദ്യാർത്ഥികൾക്ക് ഇന്റേണ്ഷിപ്പിലൂടെ തൊഴില്പരിചയവും നൽകുന്നുണ്ട്.
180 മണിക്കൂര് കമ്യൂണിക്കേറ്റീവ് ഇംഗ്ലീഷും ഇന്ഫര്മേഷന് ടെക്നോളജിയുടെ അടിസ്ഥാന വിവരങ്ങളും ചേര്ന്ന ഫൗണ്ടേഷന് മൊഡ്യൂള് എല്ലാ വിദ്യാര്ഥികളും പഠിച്ചിരിക്കണം. ഈ ക്ലാസിനു പുറമെയാണ് തൊഴില് പരിശീലനം നൽകുന്നത്. വ്യവസ്ഥകള്ക്ക് വിധേയമായി ഫീസ് സൗജന്യവും വിദ്യാർത്ഥികൾക്ക് ലഭിക്കും.
സിലബസിന്റെ 55 ശതമാനം പ്രാക്ടിക്കലാണ്. ഐ.ടി. മൊഡ്യൂളിന് സോഫ്ട്വേര് അസോസിയേഷനായ നാസ്കോമും ഫിനാന്ഷ്യല് സര്വീസ് കോഴ്സിനുള്ള മൊഡ്യൂളിന് ഇന്സ്റ്റിറ്റ്യൂട്ട് ഓഫ് കോസ്റ്റ് ആന്ഡ് വര്ക്സ് അക്കൗണ്ട് ഓഫ് ഇന്ത്യയുമാണ് രൂപംനല്കിയിരിക്കുന്നത്.
ഐ.ടി., ഫിനാന്സ് സര്വീസ് , ഹോസ്പിറ്റാലിറ്റി, ഹോട്ടല് മാനേജ്മെന്റ് ഹെല്ത്ത് കെയര് എന്നീ മേഖലകളിലാണ് പ്രധാനമായും തൊഴിൽ പരിശീലനം നൽകുന്നത്.
കോഴ്സ് വിജയകരമായി പൂര്ത്തിയാക്കുന്നവര്ക്ക് സാങ്കേതിക വിദ്യാഭ്യാസ ഡയറക്ടറേറ്റിന്റെയും അതത് മേഖലകളിലെ വ്യവസായ സംഘടനകളും ചേര്ന്ന് നല്കുന്ന സര്ട്ടിഫിക്കറ്റ് ലഭിക്കും. കൂടാതെ നാഷണല് സ്കില് ഡെവലപ്മെന്റ് കോര്പ്പറേഷന്റെ കീഴിലുള്ള സെക്ടര് സ്കില് കൗണ്സിലിന്റെയും സര്ട്ടിഫിക്കറ്റും നല്കും.
ജി.എസ്.ടി. പരിശീലനം
ജി.എസ്.ടി. വിദഗ്ധോപദേശകരാക്കുക എന്ന ലക്ഷ്യത്തോടെ 2017ല് ബി.കോം., എം.കോം. കോഴ്സുകള് പൂര്ത്തിയാക്കിയവര്ക്ക് അസാപ് പരിശീലനം നൽകുന്നുണ്ട്. ഇങ്ങനെ പഠനത്തോടൊപ്പം ഒരു തൊഴിൽ കൂടി പരിശീലിക്കാനായാൽ ഭാവി ജീവിതത്തിനു അതൊരു മുതൽ കൂട്ടാകും. കൂടുതൽ വിവരങ്ങൾക്ക് www.asapkerala.gov എന്ന വെബ്സൈറ്റ് നോക്കുക.
https://www.facebook.com/Malayalivartha
