ഭാരത ഇതിഹാസങ്ങളായ രാമായണവും മഹാഭാരതവും ഹാര്വാര്ഡ് യൂണിവേഴ്സിറ്റിയില് പഠന വിഷയമാകുന്നു
രാമായണവും മഹാഭാരതവും ഹാര്വാര്ഡ് യൂണിവേഴ്സിറ്റിയില് പഠന വിഷയമാകുന്നു. ഇന്ത്യന് മതങ്ങള് അവരുടെ ആഖ്യാന സാഹിത്യങ്ങളിലൂടെ എന്ന കോഴ്സിന്റെ ഭാഗമായിട്ടാണ് ഇത്. ഹാര്വാര്ഡ് സർവകലാശാലയിൽ ദക്ഷിണേഷ്യന് മതങ്ങളെ കുറിച്ചു പഠിപ്പിക്കുന്ന പ്രഫ. ആന് ഇ. മോനിയാസാണ് നമ്മുടെ ഇതിഹാസങ്ങളായ രാമായണത്തെയും മഹാഭാരതത്തെയും കുറിച്ചു ക്ലാസുകൾ എടുക്കുന്നത്. ദക്ഷിണേഷ്യയിലെ മതപരമായ ആചാരങ്ങളെയും മതാധിഷ്ഠിത സമൂഹങ്ങളെയും കോഴ്സ് പരിശോധനയ്ക്കു വിധേയമാക്കും.
വ്യാസന്റെയും വാത്മീകിയുടെയും സംസ്കൃത ലിഖിതങ്ങളും ടിവി സീരിയലുകളുടെയും രൂപത്തിലുള്ള ഇതിഹാസങ്ങളുടെ ആധുനിക ആവിഷ്കാരങ്ങളെയും പഠനവിധേയമാക്കും. ഈ വര്ഷം തന്നെ കോഴ്സ് യൂണിവേഴ്സിറ്റിയില് പഠിപ്പിച്ചു തുടങ്ങും. വാല്മീകി മഹർഷി രചിച്ച രാമായണം കാവ്യരൂപത്തിലുള്ള ആദ്യ കൃതിയാണ് എന്ന് വിശ്വസിക്കപ്പെടുന്നു. അതുകൊണ്ടാണ് ഇതിനെ ആദിമകാവ്യം എന്ന് വിളിക്കുന്നത്. ഈ രണ്ടു ഇതിഹാസങ്ങളുടെയും പ്രഭാവം ഇന്ത്യൻ ഉപഭൂഖണ്ഡത്തിലെയും ദക്ഷിണപൂർവേഷ്യയിലെയും സംസ്കാരങ്ങളിൽ പ്രതിഫലിച്ചുകാണാം. ലോകത്തിലെ ഏറ്റവും ബൃഹത്തായ ഇതിഹാസ കൃതികളിൽ ഒന്നാണ് മഹാഭാരതം.
https://www.facebook.com/Malayalivartha