വിദേശത്തു പോയി പഠിക്കാൻ നിങ്ങൾ ആഗ്രഹിക്കുന്നുണ്ടോ? എങ്കിൽ ഇതാ
യു കെ യിൽ പോയി പഠിക്കാൻ അവസരം വന്നു ചേർന്നിരിക്കുന്നു. ഇന്ത്യയിലെ യുവ പ്രഫഷണലുകള്‍ക്ക് അവസരമൊരുക്കുന്ന ഈ വര്‍ഷത്തെ ചീവ്നിങ് സ്‌കോളര്‍ഷിപ്പുകള്‍ക്കും ഫെലോഷിപ്പുകൾക്കും ഇപ്പോൾ അപേക്ഷിക്കാം. യുകെയില്‍ ഒരു വര്‍ഷത്തെ ബിരുദാനന്തരബിരുദ പഠനത്തിനാണ് സ്‌കോളര്‍ഷിപ്പ് നല്‍കുന്നത്.

അപേക്ഷകർക്ക് ബിരുദവും രണ്ടു വര്‍ഷത്തെ തൊഴില്‍ പരിചയവും ആവശ്യമാണ്. സ്‌കോളര്‍ഷിപ്പിനുള്ള ഇംഗ്ലീഷ് ഭാഷ പരിജ്ഞാന പരീക്ഷയും 2018 ജൂലൈ 12നകം പാസ്സാകണം. യുകെയിലെ മൂന്ന് യൂണിവേഴ്‌സിറ്റി മാസ്‌റ്റേഴ്‌സ് കോഴ്‌സുകളിലേക്ക് അപേക്ഷിക്കാൻ അവസരമുണ്ട്. എവിടെ നിന്നെങ്കിലും 2018 ജൂലൈ 12നകം അഡ്മിഷന്‍ ഓഫര്‍ ലഭിച്ചിരിക്കുകയും വേണം. മുൻ വർഷങ്ങളിൽ ഗവണ്മെന്റ് സ്കോളർഷിപ്പിലൂടെ യു കെ യിൽ പഠിച്ചവർക്ക് ചീവ്നിങ് സ്‌കോളര്‍ഷിപ്പുകള്‍ക്ക് അര്‍ഹതയുണ്ടാവില്ല.

വിശദ വിവരങ്ങൾക്ക് http://www.chevening.org/india എന്ന വെബ്‌സൈറ്റ് സന്ദര്‍ശിക്കുക.