ജൂനിയര്‍ റിസര്‍ച്ച് ഫെലോഷിപ്പിനും ലക്ചര്‍ഷിപ്പിനുമുള്ള നാഷണല്‍ എലിജിബിലിറ്റി ടെസ്റ്റിന് സി.എസ്.ഐ.ആര്‍. -യു.ജി.സി. അപേക്ഷ ക്ഷണിച്ചു. ലക്ചര്‍ഷിപ്പിനു മാത്രമായോ ജൂനിയര്‍ റിസര്‍ച്ച് ഫെലോഷിപ്പോട് (JRF) കൂടിയ ലക്ചര്‍ഷിപ്പിനോ അപേക്ഷിക്കാം. കെമിക്കല്‍ സയന്‍സ്, എര്‍ത്ത്/അറ്റ്മോസ്ഫെറിക്/ഓഷ്യന്‍/പ്ലാനറ്ററി സയന്‍സ്, ലൈഫ് സയന്‍സ്, മാത്തമാറ്റിക്കല്‍ സയന്‍സ്, ഫിസിക്കല്‍ സയന്‍സ് തുടങ്ങിയ വിഷയങ്ങളിലാണ് ഫെല്ലോഷിപ്.

യോഗ്യത: 55 ശതമാനം മാര്‍ക്കോടെ നാലുവര്‍ഷ പ്രോഗ്രാം/ ബി.ഇ./ബി.ടെക്./ബി.ഫാര്‍മ./എം.ബി.ബി.എസ്/ഇന്റഗ്രേറ്റഡ് ബി.എസ്. -എം.എസ്./ എം.എസ് സി./ തത്തുല്യം. എസ്.സി./ എസ്.ടി./ പി.എച്ച്./വി.എച്ച്. വിഭാഗക്കാര്‍ക്ക് 50 ശതമാനം മാര്‍ക്ക് മതി. മുകളില്‍ സൂചിപ്പിച്ച വിഷയങ്ങളില്‍ 10+2+3 മാതൃകയില്‍ യോഗ്യത നേടി എം.എസ് സി.ക്ക് എന്റോള്‍ ചെയ്തവര്‍ രണ്ടുവര്‍ഷത്തിനുള്ളില്‍ നിശ്ചിതശതമാനം മാര്‍ക്കോടെ യോഗ്യത നേടിയിരിക്കണം. ഇവർ പഠിക്കുന്ന സ്ഥാപനത്തിലെ/ വകുപ്പിലെ മേധാവിയില്‍നിന്നുള്ള സാക്ഷ്യപത്രം അപേക്ഷയ്‌ക്കൊപ്പം അയയ്ക്കണം.

പ്രായം: ജെ.ആര്‍.എഫിന് 28 വയസ്സ്. എസ്.സി., എസ്.ടി., ഒ.ബി.സി., വനിതകള്‍, പി.എച്ച്., വിഭാഗക്കാര്‍ക്ക് ഉയര്‍ന്ന പ്രായപരിധിയില്‍ അഞ്ചുവർഷവും ഒ.ബി.സി.ക്കാര്‍ക്ക് മൂന്നുവർഷവും നിയമാനുസൃത ഇളവുണ്ട്. ലക്ചര്‍ഷിപ്പിന് മാത്രമായി അപേക്ഷിക്കുന്നവര്‍ക്ക് ഉയര്‍ന്ന പ്രായപരിധിയില്ല.

പരീക്ഷ: 2017 ഡിസംബര്‍ 17-നാണ് പരീക്ഷ. നെഗറ്റീവ് മാര്‍ക്കിങ് ഉണ്ട്. കേരളത്തില്‍ കൊച്ചിയും തിരുവനന്തപുരവും പരീക്ഷാകേന്ദ്രങ്ങളാണ്.
ജനറല്‍ വിഭാഗത്തിന് 1000 രൂപയും ഒ.ബി.സി.ക്കാര്‍ക്ക് 500 രൂപയും എസ്.സി., എസ്.ടി., പി.എച്ച്., വി.എച്ച്. വിഭാഗത്തിന് 250 രൂപയുമാണ് അപേക്ഷ ഫീസ്. ഫീസ് അടയ്ക്കുന്നതിനുള്ള ചെലാന്‍ വെബ്സൈറ്റില്‍ നിന്ന് ഡൗണ്‍ലോഡ് ചെയ്‌തെടുക്കാം. സെപ്റ്റംബര്‍ 15 നു മുൻപായി ഫീസ് അടച്ചിരിക്കണം. ഓണ്‍ലൈന്‍ അപേക്ഷ സെപ്റ്റംബര്‍ 16 വരെ. ഓണ്‍ലൈന്‍ അപേക്ഷയുടെ പ്രിന്റൗട്ടും മറ്റ് രേഖകളും ലഭിക്കേണ്ട അവസാന തീയതി: സെപ്റ്റംബര്‍ 23.
ഓണ്‍ലൈന്‍ അപേക്ഷയ്ക്കും കൂടുതല്‍ വിവരങ്ങള്‍ക്കും: http://www.csirhrdg.res.in/