ഇത് ക്യാംപസ് റിക്രൂട്ട്‌മെന്റിന്റെ കാലമാണ്. മിടുക്കന്‍മാരെ കൊത്തിക്കൊണ്ടുപോകാന്‍ മുന്‍നിര കമ്പനികളുണ്ട്. ശമ്പള കാര്യത്തില്‍ അവരുടെ ഓഫറുകള്‍ എന്താണെന്ന് അറിയാന്‍ ആഗ്രഹമില്ലേ? 
എം.ബി.എ, എഞ്ചിനീയറിങ്, ബിടെക്ക്, എംടെക്ക്, മറ്റു ബിരുദ വിദ്യാര്‍ത്ഥികള്‍ക്ക് കമ്പനികള്‍ ഓഫര്‍ ചെയ്യുന്ന ശരാശരി വാര്‍ഷിക ശമ്പളം പഠിച്ചിറങ്ങുന്ന കോളേജുകളുടെ നിലവാരത്തിന് അനുസരിച്ച് വ്യത്യാസപ്പെടുമെന്നാണ് സർവേകൾ വ്യക്തമാക്കുന്നത്.

രാജ്യത്തെ മുന്‍നിര കലാലയങ്ങളില്‍(ടയര്‍ വണ്‍)നിന്നും പഠിച്ചിറങ്ങുന്ന എം.ബി.എ വിദ്യാര്‍ത്ഥികളുടെ തുടക്കശമ്പളം രണ്ടാം നിര കലാലായങ്ങളില്‍(ടയര്‍ ടു) നിന്നുള്ളവരുടേതുമായി താരതമ്യം ചെയ്യുമ്പോള്‍ രണ്ട് മടങ്ങ് അധികമായിരിക്കും. 18.62 ലക്ഷം രൂപയാണ്(അടിസ്ഥാന ശമ്പളവും മറ്റു ആനുകൂല്യങ്ങളും അടക്കം) മുന്‍നിര കലാലയങ്ങളില്‍ നിന്നുള്ള എംബിഎ ഉദ്യോഗാര്‍ത്ഥികള്‍ക്ക് കമ്പനികള്‍ വാഗ്ദാനം ചെയ്യുന്ന ശരാശരി വാര്‍ഷിക ശമ്പളം. രണ്ടാം നിര കലാലയങ്ങളില്‍ നിന്നുള്ളവര്‍ക്ക് 8.5 ലക്ഷം രൂപയും മൂന്നാം നിര കലാലയങ്ങളില്‍ നിന്നുള്ളവര്‍ക്ക് 4.4 ലക്ഷം രൂപയും വാഗ്ദാനം ചെയ്യുന്നു.

അതിനാൽ എം ബി എ പോലുള്ള പ്രൊഫഷണൽ കോഴ്‌സുകളിൽ അഡ്മിഷൻ എടുക്കുമ്പോൾ കഴിവതും മുൻനിര കോളേജുകളിൽ ചേരാൻ ശ്രദ്ധിക്കണം.